AES salatyn kezde ekologtar bárin egjeı-tegjeıli qaraıdy – mınıstr

ASTANA. QazAqparat – Elimizde atom elektr stansasyn salý barysynda halyq pikiri eskeriledi. Bul týraly QR Ekologııa jáne tabıǵı resýrstar mınıstri Zúlfııa Súleımenova málim etti, dep habarlaıdy QazAqparat tilshisi.

«Ekologııa kodeksine sáıkes kez kelgen qurylys jobasy, onyń ishinde atom elektr stansasy da salynbas buryn birneshe kezeńnen ótýi tıis. Elimizde atom elektr stansasy salynady degen áńgime qozǵalǵan sátten bastap biz quzyrly organ retinde óz usynymymyzdy jiberdik. Atalǵan nysandy salý týraly naqty qujat daıyn bolǵanda biz ony mindetti túrde qaraımyz. Sonymen qatar qoǵam pikiri eskeriledi», - dedi Zúlfııa Súleımenova Jibek Joly telearnasyna bergen suhbatynda.

Eske salaıyq, buǵan deıin Energetıka mınıstri Bolat Aqsholaqov atom elektr stantsııasyn salý tehnologııasy bıyl tańdalatynyn aıtqan edi.

Sondaı-aq, taıaýda ǵana Úkimet basshysy AES salýǵa qatysty túpkilikti sheshimniń áli qabyldanbaǵanyn jetkizgen edi.

«Atom elektr stansasy - óte kúrdeli tehnologııalyq obekt. Biz bul nysandy álemdegi eń ozyq tehnologııalary bar kompanııamen birge salǵymyz keledi. ıAǵnı, álemniń eń ozyq tehnologııalaryn tartý úshin kópjaqty joba bolǵanyn qalaımyz. Negizgi jetkizýshi retinde «Rosatomdy» tańdaýǵa qatysty sheshim áli qabyldanǵan joq. Sheshimdi bıyl halyqaralyq sarapshylarmen pysyqtaı otyryp qabyldaımyz. Bizde Rosatommen birge arnaıy jol kartasy jasaldy, endi daıyndyq jumysyn júrgizýimiz kerek. Onyń qorytyndysy boıynsha tikeleı ıadrolyq jáne basqa da jabdyqtardy jetkizýshi kompanııa aıqyndalady», - dep edi Álıhan Smaıylov.