AES salatyn aýdandy tańdaý máselesi qoǵamdyq talqylaýǵa jýyrda shyǵarylady - mınıstr

ASTANA. QazAqparat – Bıyl atom elektro stansasyn salatyn aýdandy tańdaý máselesi qoǵamdyq talqylaýǵa shyǵarylady, dep habarlaıdy QazAqparat tilshisi.

Bul jaıynda Energetıka mınıstri Bolat Aqsholaqov vedomstvonyń keńeıtilgen alqa májilisinde aıtty.

«Ózderińiz biletindeı, Qazaqstanda atom elektr stansasyn salý máselesin qaraý boıynsha jumys júrgizilýde. Ol úshin elimizde barlyq obektıvti alǵysharttar bar», - dedi ol.

Sondaı-aq ol byltyr AES salýǵa múmkindik beretin tehnologııalardyń tizimi jasaqtalǵanyn eske saldy.

«2022 jyly Qytaı, Koreıa, Reseı, Frantsııa sııaqty elderdiń jetkizýshileriniń tekserilgen reaktorlyq tehnologııalardyń qysqa tizimi jasaldy. Bıyl reaktor tehnologııasyn tańdaý boıynsha jumystar júrgiziledi. AES-ti ornalastyrýdyń ońtaıly alańy retinde Almaty oblysynyń Jambyl aýdany usynyldy. 2023 jyly AES-ti salatyn aýdandy tańdaý máselesi qoǵamdyq talqylaýǵa shyǵarylady», - dedi Bolat Aqsholaqov.

Eske salsaq, buǵan deıin Energetıka mınıstri Bolat Aqsholaqov atom elektr stantsııasyn salý tehnologııasy bıyl tańdalatynyn aıtqan edi.

Foto: storage.googleapis.com