AES pen kólik jobalarynyń qaýipsizdigine qatysty jańa mindetter júkteldi
ASTANA. KAZINFORM – AES-ti jobalaý, salý jáne paıdalaný úshin qajetti normatıvtik qujattardy taldaý jumystary júrgizilip, osy saladaǵy normatıvtik bazany odan ári damytý jónindegi sharalar aıqyndaldy
Arman Shaqqalıev tehnıkalyq retteý jáne metrologııa máseleleri jónindegi komıssııanyń otyrysyn ótkizdi
Komıssııa jumysyna ortalyq memlekettik organdardyń, Atom energııasy agenttiginiń, Astana qalasy ákimdiginiń jáne basqa da múddeli uıymdardyń ókilderi qatysty.
Otyrysta kólik salasyndaǵy tehnıkalyq retteý jáne metrologııalyq qamtamasyz etý máseleleri, sondaı-aq atom elektr stantsııasyn josparlaý, salý jáne paıdalaný kezeńderindegi tehnıkalyq retteý, standarttaý jáne metrologııalyq súıemeldeý máseleleri qaraldy.
Kún tártibiniń birinshi máselesi boıynsha qatysýshylar temirjol kóliginiń, avtomobıl joldarynyń, metropolıtenniń, azamattyq avıatsııa salasynyń jáne jol boıyndaǵy servıs obektileriniń qaýipsizdigin qamtamasyz etý máselelerin qosa alǵanda, kólik salasyndaǵy tehnıkalyq retteý júıesiniń aǵymdaǵy jaı-kúıin talqylady.
Ulttyq synaq ınfraqurylymyn damytýǵa, synaq zerthanalarynyń múmkindikterin keńeıtýge jáne Eýrazııalyq ekonomıkalyq odaqtyń tehnıkalyq reglamentteri talaptaryna sáıkestikti baǵalaý tetikterin jetildirýge erekshe nazar aýdaryldy.
Astana qalasyndaǵy jeńil relsti kólik (LRT) jobasyn tehnıkalyq jáne metrologııalyq súıemeldeý máseleleri jeke blok retinde qaraldy. Jobanyń Qazaqstan Respýblıkasynyń standarttaý jáne ólshem birligin qamtamasyz etý salasyndaǵy zańnama talaptaryna sáıkestigin qamtamasyz etý boıynsha júrgizilip jatqan jumystar, sondaı-aq obektini paıdalanýǵa berý kezeńderinde múddeli uıymdar arasyndaǵy odan ári úılestirýdiń qajettiligi atap ótildi.
Sonymen qatar, qatysýshylar jolaýshylar tasymaly qaýipsizdigin arttyrý, taksı qyzmetteri salasyndaǵy normatıvtik retteýdi jetildirý, turaqty avıatsııalyq otyndy (SAF) standarttaýdy damytý máselelerin talqylady.
Ekinshi másele sheńberinde atom elektr stantsııasyn salý jobasyn tehnıkalyq retteý jáne metrologııalyq súıemeldeý boıynsha is-sharalardy iske asyrý nátıjeleri qaraldy.
Tehnıkalyq retteý jáne metrologııa komıteti men Atom energııasy agenttiginiń birlesken jospary aıasynda kózdelgen is-sharalardyń belgilengen merzimderde oryndalyp jatqany atap ótildi. AES-ti jobalaý, salý jáne paıdalaný úshin qajetti normatıvtik qujattardy taldaý jumystary júrgizilip, osy saladaǵy normatıvtik bazany odan ári damytý jónindegi sharalar aıqyndaldy.
Atom energetıkasy salasynyń qajettilikterin qamtamasyz etý úshin eldiń ulttyq etalondyq bazasy men ólsheý múmkindikterin damytýǵa, bilikti kadrlar daıarlaýǵa, sondaı-aq atom energetıkasy jobasyn iske asyrý úshin qajetti standarttar men normatıvtik-tehnıkalyq qujattar qoryn qalyptastyrýǵa erekshe nazar aýdaryldy.
Otyrysty qorytyndylaı kele, Arman Shaqqalıev eldiń strategııalyq jobalaryn iske asyrý úshin sapanyń ulttyq ınfraqurylymyn ýaqtyly daıyndaýdyń mańyzdylyǵyn atap ótip, múddeli memlekettik organdarǵa tehnıkalyq retteý, standarttaý jáne metrologııa júıesin jetildirý jónindegi jumysty jalǵastyrýdy tapsyrdy.
Otyrys qorytyndysy boıynsha komıssııa sapanyń ulttyq ınfraqurylymyn odan ári damytýǵa, kólik jáne energetıka salalary obektileriniń qaýipsizdigin qamtamasyz etýge, sondaı-aq Qazaqstan Respýblıkasy ekonomıkasynyń básekege qabilettiligin arttyrýǵa baǵyttalǵan tıisti usynymdar ázirlep, memlekettik organdar men uıymdarǵa tapsyrmalar berdi.
