«AES Óskemen JEO» bıyl ekologııaǵa 120 mıllıon teńge bólip otyr - seriktestiktiń qorshaǵan ortany qorǵaý bóliminiń jetekshisi
ALMATY. Maýsymnyń 21-i. QazAqparat /Erlik Erjanuly/ - «AES Óskemen JEO» JShS bıyl aýaǵa taralatyn zııandy zattardy azaıtýǵa 120 mıllıon teńge bólip otyr.
Bul jaıly AES Qazaqstan kompanııalar tobynyń ótken aptada Óskemende buqaralyq aqparat quraldarynyń ókilderi úshin uıymdastyrylǵan baspasóz-týrynda aıtyldy, dep habarlaıdy QazAqparat.
«AES Óskemen JEO» JShS qorshaǵan ortany qorǵaýǵa 2008 jyly 128 mıllıon teńge, 2009 jyly 150 mıllıon teńge jumsady. Bıyl 120 mıllıon teńge bólip otyr. Qarajat kólemi kásiporynnyń Qorshaǵan ortany qorǵaý mınıstrliginiń kelisimi boıynsha jasalǵan jospary boıynsha jyl saıyn ózgerip turady. Máselen, bıyl №8 qazandyq arnaıy tehnologııalarmen jabdyqtalady», deıdi jaýapkershiligi shekteýli seriktestiktiń qorshaǵan ortany qorǵaý bóliminiń jetekshisi Marına Streltsova. Onyń aıtýynsha, bul jabdyqtar aýaǵa taralatyn zııandy zattardyń kólemin azaıtýǵa múmkindik beredi. Jalpy qazirgi tańda onda óndiristen shyǵatyn qaldyq sýlar qaladan 8 shaqyrym jerdegi arnaıy qoımaǵa jınalyp, onda tazartylǵan soń kásiporynǵa qaıta paıdalanýǵa jiberilýde. 2004 jyly iske qosylǵan bul keshen 30 gektar jerdi alyp jatyr. Ony salýǵa kásiporyn 1,2 mıllıard teńge jumsaǵan bolatyn.
