AES qurylysyna tehnıkalyq baqylaý júrgizý úshin halyqaralyq uıym tartylmaq

ASTANA. QazAqparat – AES qurylysyna tehnıkalyq baqylaý júrgizetin halyqaralyq uıymdy tartý josparlanyp otyr. Bul týraly QazAqparat tilshisiniń saýalyna jaýap bergen «Samuryq-Qazyna» AQ strategııa jáne aktıvterdi basqarý jónindegi basqarýshy dırektory Ernat Berdiǵulov málim etti.

«AES-ke tehnıkalyq baqylaý júrgizetin halyqaralyq uıymdy tartýdy josparlap otyrmyz. Ol uıym tehnologııalaryn usynyp, AES qurylysyna qatysatyn barlyq kompanııalardyń jumysyn tekseredi. Ol úshin búgingi tańda frantsııalyq «Assystem» kompanııasymen aldyn ala memorandým jobasyn ázirledik. AES salýǵa jumyldyrylatyn barlyq kompanııalardyń qyzmetin tekserip otyratyn táýelsiz uıym bolsa, onda shynaıy aqparat alyp, máseleni naqty anyqtap, olardy der kezinde sheshýge múmkindik bolady», - dep jaýap berdi Ernat Berdiǵulov tilshi saýalyna.

Sonymen qatar, ol Qazaqstanda AES salýǵa nıetti sheteldik kompanııalardyń qaısysyna basymdyq berilip otyrǵanyn aıtty.