AES qurylysyn jaqtaýshylar sany aıtarlyqtaı artty – mınıstr Almasadam Sátqalıev
«Energetıkany odan ári damytý stsenarııleriniń biri atom stantsııasynyń qurylysy boldy. «Samuryq-Qazynaǵa» tıesili «Atom elektr stantsııalary» AQ kompanııasy konkýrs jarııalady. Onda konkýrsqa áleýetti qatysýshylardyń aldyn ala ótinimderi irikteldi. Olar Frantsııa, Koreıa, Qytaı, RF kompanııalary, sondaı-aq amerıkalyq shaǵyn jáne orta reaktor óndirýshileriniń ótinimderi qaralýda», - dedi Almasadam Sátqalıev Ekibastuz qalasynyń jurtshylyǵymen kezdesý barysynda jýrnalısterdiń suraqtaryna oraı.
Onyń atap ótýinshe, úkimettik komıssııa atom elektr stantsııasyn salý úshin birneshe ýchaskeni qarastyrdy. Atap aıtqanda, ShQO-daǵy alań (Kýrchatov), Almaty oblysyndaǵy alań (Úlken kenti), Qazaqstannyń batysyndaǵy perspektıvaly alań qarastyryldy.
«Úlken jáne Kýrchatov alańdary eń perspektıvaly boldy. Derekter jıyntyǵy boıynsha sarapshylardyń qorytyndysyna súıene otyryp, Balqashtaǵy Úlken kentiniń alańy aldyn ala maquldandy. Endi osy alańda qandaı da bir taldaýdy bastaý úshin rásimderge sáıkes, tehnıkalyq-ekonomıkalyq negizdemeni, jobalyq qujattamany ázirleý maqsatynda aımaqtarda jergilikti jerlerde qoǵamdyq tyńdaýlar ótkiziledi. ıAǵnı, ázirshe stantsııa qurylysy týraly emes, daıyndyq barysy týraly sóz bolyp otyr», - dedi mınıstr.
Mınıstr eldiń ártúrli aımaqtarynda qoǵamdyq tyńdaýlar ótkizilgennen keıin barlyq aqparat jınalyp, sodan keıin Úkimet sheshim qabyldaıtyndyǵyn aıtady.
«Sheshim qabyldaý kezinde jurtshylyqtyń pikiri eskeriletin bolady. Ol qandaı formada bolatyndyǵyn, qazir aıta almaımyn. Qazir ártúrli pikir bar ekenin bilemiz. Biraq atom stantsııasy qurylysyn qoldaıtyn adamdardyń sany edáýir ósti. Óıtkeni olar qandaı tehnologııalar qoldanylatyny, stantsııanyń qaýipsizdigi, eldiń damýy úshin de, aımaqtyń damýy úshin de bolatyn múmkindikter týraly aqparat aldy», - de Almasadam Sátqalıev.
