AES qurylysy elimizdiń damýyna qalaı áser etedi

ALMATY. QazAqparat – Eger elimizde Atom elektr stantsııasy salynsa, ol elimizdiń áleýmettik-ekonomıkalyq damýyna yqpalyn tıgizedi. Bul týraly Almatyda ótken «Atom elektr stantsııalarynyń múmkindikteri» taqyrybynda ótken jıyn barysynda «Qazaqstandyq atom elektr stantsııalary» JShS-nyń Atom energetıkasy bóliminiń basshysy Áset Mahambetov aıtty, dep habarlaıdy QazAqparat tilshisi.

«AES salý arqyly elimizdiń ǵylymı-tehnıkalyq protsessiniń damýy, joǵary bilikti kadrlardyń kóbeıýi, AES qurylysy kezinde 8 000 jańa jumys ornynyń ashylýy, 2 000 adamǵa deıin sapaly kadrlardy daıarlaý, elimizdiń ınvestıtsııalyq tartymdylyǵyn arttyrý, jergilikti ónerkásipti damytý, halyqty 60 jyldan astam ýaqyt boıy energııamen qamtý, parnıktik gazdar shyǵaryndylaryn jylyna 10 mln tonnaǵa deıin azaıtý sekildi elimizdiń áleýmettik -ekonomıkalyq damýyna oń yqpal etetin bolady», - dedi Áset Mahambetov.
Onyń aıtýynsha, 2018-2022 jyldar aralyǵynda AES salý jobasy boıynsha elimizde birqatar jumystar júrgizilgen.

«2018 jyly tehnıkalyq-ekonomıkalyq negizdemeniń marketıngtik bólimi daıarlandy. Táýelsiz halyqaralyq saraptama júrgizildi. 2019-2021 jyldar aralyǵynda jetekshi satýshylardyń mindetti emes, tehnıkalyq-kommertsııalyq usynystary alyndy. Sondaı-aq «short-paraq» qurastyryldy. Oǵan Qytaıdyń CNNC, Ońtústik Koreıanyń KHNP, Reseıdiń «Rosatom», Frantsııanyń EDF atomdyq kompanııalary men korporatsııalary endi. 2022 jyly mamyr aıynda QR atom salasyn damytý jónindegi vedomstvoaralyq komıssııanyń otyrysynda Almaty oblysy, Úlken aýylynyń mańy AES salatyn oryn retinde tańdalyp, AES qýatyn 2800 MVt deńgeıinde anyqtaý usynyldy. Sondaı-aq 2022 jyldyń qarasha aıynda Almaty oblysy máslıhatynyń depýtattary AES qurylysyn maquldaý máselesin qarastyra otyryp, Jambyl aýdany Úlken aýylynyń turǵyndarynyń qatysýymen tyńdaýlar ótkizýdi usyndy», - dedi Áset Mahambetov.

Ol elimizde bazalyq qýattyń tapshylyǵyn jabý úshin qýattylyǵy 1200-1400 MVt-qa deıingi keminde eki blogy bar AES salý qajet ekenin aıtty.
«Sondyqtan Qytaıdan, Ońtústik Koreıadan, Reseıden, AQSh-tan jáne Frantsııadan 6 vendordan tehnıkalyq-kommertsııalyq usynystar alyndy. ıAdrolyq-energetıkalyq tehnologııalardy salystyrmaly taldaý jáne baǵalaý úshin «Assystem» frantsýz kompanııasymen birlesip AEHA qujattarynyń usynymdary negizinde krıterııler júıesi ázirlendi. Jalpy, sheteldik atomdyq tehnologııalar vendorlary (III jáne III+ býyndy) usynǵan zamanaýı reaktorlardyń 13 jobasy zerdelendi»,- dedi spıker.
Áset Mahambetov sondaı-aq AES-ke qajetti kadrlar jóninde óz oıyn aıtty.
«Ortasha alǵanda eki bloktan turatyn joǵary qýatty AES-ke 2000 adam jumysshy qajet. Onyń ishinde óndiristik personalǵa – 1300 adam qajet. ıAdrolyq mamandyqtar boıynsha bilimi bar jumysshylar AES-tyń ónerkásiptik-óndiristik personalynyń 20%-yn quraıtyn bolady», - dedi ol.

Foto: «Qazaqstandyq atom elektr stantsııalary» JShS baspasóz qyzmeti