AES qurylysyna qatysty referendýmda birinshi bolyp Seýldegi qazaqstandyq daýys berdi
ASTANA. KAZINFORM – Qazaqstan Respýblıkasynyń azamattary referendýmda ózderiniń konstıtýtsııalyq quqyqtaryn alǵashqylardyń biri bolyp Koreıa Respýblıkasynda júzege asyrdy. Bul týraly Syrtqy ister mınıstrliginiń baspasóz qyzmeti habarlady.
Seýldegi referendýmda birinshi qazaqstandyq bolyp halyqaralyq uıym qyzmetkeri Kamıla Maýtova daýys berdi.
«Bul sheshimniń elimizdiń bolashaǵy úshin mańyzy zor, al referendým – qoǵamnyń barlyq kózqarasyn eskerý, sheshim qabyldaýda ashyqtyqty qamtamasyz etý múmkindigi. Úkimet árkimniń pikirin tyńdaýǵa tyrysady jáne biz, azamattar úshin bul úderiske belsendi qatysý óte mańyzdy», - dedi K.Maýtova.
Ol sondaı-aq shetelde turatyn kóptegen qazaqstandyq bizdiń dıplomatııalyq ókildikterdiń kúsh-jigeriniń arqasynda referendýmǵa qatysý múmkindigine ıe bolǵanyn aıtty.
«Bul bizdiń elimizdiń bolashaǵy úshin mańyzdy sheshim qabyldaýdyń ujymdyq múmkindigi jáne bul referendým ekonomıkalyq damý úshin jańa múmkindikter ashady dep oılaımyn», - dedi daýys berýshi.
QR Syrtqy ister mınıstrliginiń málimetinshe, sheteldegi barlyq referendým ýchaskeleri Qazaqstannyń dıplomatııalyq ókildikteriniń aýmaqtarynda uıymdastyrylǵan.
Eń birinshi bolyp qazaqstandyqtar Koreıa men Japonııada daýys berýge múmkindigi bar.
Seýlde #390 jáne Tokıoda #393 saılaý ýchaskeleri jergilikti ýaqyt boıynsha saǵat 07.00-de daýys berý úshin birinshi bolyp ashyldy.
Aıta keteıik, Qazaqstan halqy búgin AES qurylysyna qatysty tańdaý jasaıdy.
