AES qurylysy jobasyna qatysatyn kompanııalardyń arnaıy tizilimi engiziledi
ASTANA. KAZINFORM — Qazaqstanda AES qurylysy jobalarynda jergilikti ornyqtyrýdy damytý jónindegi keshendi jospary qabyldandy.
Aǵymdaǵy jylǵy 14 mamyrda Úkimet atom salasy úshin óndiristi jergilikti ornyqtyrýdy damytýdyń 2026–2030 jyldarǵa arnalǵan keshendi josparyn bekitti. Ol atom elektr stantsııalary qurylysy jobalaryn iske asyrý úshin otandyq ónerkásiptik bazany qalyptastyrýǵa baǵyttalǵan.
Keshendi jospardy Atom energııasy jónindegi agenttik, «Qazaqstandyq atom elektr stantsııalary» JShS-men, múddeli ortalyq memlekettik organdar jáne «Atameken» ulttyq kásipkerler palatasymen birlesip ázirledi.
Qujat halyqaralyq qaýipsizdik jáne sapa talaptaryn eskere otyryp, qazaqstandyq kásiporyndardy atom jobalaryna qatysýǵa kezeń-kezeńimen daıyndaýdy kózdeıdi.
Keshendi jospar tórt negizgi baǵytty qamtıdy: normatıvtik bazany qalyptastyrý, otandyq naryqtyń qajettilikteri men áleýetin taldaý, óndiristerdi jańǵyrtý jáne qurý, sondaı-aq protsesterdi tsıfrlandyrýǵa arnalǵan jeke blok.
— AES jobalaryn iske asyrý sapasyn, qaýipsizdigin jáne ashyqtyǵyn qamtamasyz etý maqsatynda taýarlardy, jumystar men kórsetiletin qyzmetterdi berýshilerdiń tizilimin engizý josparlanyp otyr. Tizilimge engizilý jobaǵa qatysýdyń mindetti sharty bolady jáne bilikti ári senimdi kompanııalardy aldyn ala irikteýge, otandyq óndirýshilerdi, onyń ishinde shaǵyn jáne orta bıznesti qoldaýǵa, sondaı-aq rásimderdiń ashyqtyǵy men qatysýshylarǵa turaqty monıtorıng júrgizý arqyly sybaılas jemqorlyq táýekelderin barynsha azaıtýǵa múmkindik beredi, — delingen habarlamada.
Keshendi jospardy iske asyrý atom salasy úshin ornyqty óndiristik ekojúıeni qalyptastyrýǵa, ónerkásipke ınvestıtsııalar tartýǵa, ónimniń jańa túrlerin ıgerýge jáne qazaqstandyq kásiporyndardyń eldiń iri ınfraqurylymdyq jobalaryna qatysýyn qamtamasyz etýge múmkindik beredi dep kútilýde.
Aıta ketelik Qazaqstanda AES-tiń radıoaktıvti qaldyqtary qaıda jóneltiletini týraly jazǵan edik.
