AES qurylysy sapasyn kim baqylaıdy

ASTANA. KAZINFORM — Atom energetıkasy jónindegi agenttik AES qurylysy sapasyn kim baqylaıtynyn atady. 

— Atom elektr stansasy qurylysynyń sapasyn baqylaý birneshe deńgeıde júzege asyrylady. Jobalyq uıym tarapynan avtorlyq qadaǵalaýǵa konsortsıým kóshbasshysy retinde «Rosatom» kompanııasy jaýap beredi. Bul rette konsortsıýmnyń árbir qatysýshysy ózderine júktelgen jumystyń oryndalýyna jaýapty bolady. Tehnıkalyq qadaǵalaýdy jobanyń tapsyrys berýshisi retinde «Qazaqstandyq atom elektr stansalary» JShS — óziniń kúshimen, sonymen qatar táýelsiz tehnıkalyq keńesshi retinde tartylǵan frantsýzdyq Assystem kompanııasy arqyly júzege asyrady. Memlekettik baqylaýdy Qazaqstan Respýblıkasy Atom energetıkasy jónindegi agenttigi Atomdy qadaǵalaý jáne baqylaý komıteti qamtamasyz etedi, — dedi agenttikten BAQ ókilderiniń saýalyna oraı.

Vedomstvo málimetinshe, atalǵan komıtet buǵan deıin Ulttyq ıadrolyq ortalyq pen ıAdrolyq fızıka ınstıtýtynyń zertteýge arnalǵan reaktorlaryna qadaǵalaýshy qyzmetin júzege asyrǵan.

— Buǵan qosymsha halyqaralyq is-qımyl aıasynda paıdalanýǵa berýge daıyndyq kezeńinde Halyqaralyq atom energetıkasy jónindegi agenttiktiń, onyń ishinde OSART (Operational Safety Review Team) mıssııalaryn ótkizý josparlanǵan. Mundaı kóp deńgeıli ádis jobanyń qaýipsizdigi men sapaly júzege asyrylýyna jan-jaqty baqylaýdy qamtamasyz etedi, — dedi agenttikten.

Buǵan deıin «Rosatom» kompanııasy Qazaqstandaǵy alǵashqy atom elektr stantsııasyn salý jobasy boıynsha halyqaralyq konsortsıýmnyń kóshbasshysy retinde anyqtalǵanyn jazǵan edik. 

Sonymen qatar Atom energetıkasy jónindegi agenttik tóraǵasy Almasadam Sátqalıev Qazaqstandaǵy taǵy bir AES-ti qytaılyq vender salatynyn málim etti.

AES-ten óndiriletin elektr energııasynyń quny JEO men JES-ten alynatyn elektr energııasyna qaraǵanda joǵary bolady.