AES qurylysy Qazaqstanda tutas ındýstrııany qurady – RF Prezıdenti
ASTANA. KAZINFORM – Reseı men Qazaqstan munaı men gazdy jetkizýden bastap, birinshi atom elektr stansasynyń qurylysyna deıingi energetıka salasyndaǵy yntymaqtastyqty júıeli túrde tereńdetip jatyr. Bul týraly búgin Astanada Qazaqstan Prezıdenti Qasym-Jomart Toqaevpen bolǵan kelissózden keıingi brıfıngide Reseı Prezıdenti Vladımır Pýtın málim etti.
Reseı Prezıdenti «Rosatom» kompanııasynyń qatysýymen Qazaqstannyń alǵashqy atom elektr stantsııasynyń qurylysyn negizgi birlesken energetıkalyq joba retinde sıpattady.
- Sapar barysynda AES qurylysynyń parametrleri jáne jobany reseılik memlekettik eksporttyq nesıe arqyly qarjylandyrý týraly kelisimder bekitildi», - dedi V.Pýtın.
Onyń aıtýynsha, stantsııanyń iske qosylýy Qazaqstannyń energııamen qamtamasyz etilýine aıtarlyqtaı úles qosady. Sonymen qatar kásiporyndar men halyqty qoljetimdi jáne taza elektr energııasymen qamtamasyz etedi.
- Bul rette jumys tutas ındýstrııany qurýǵa, sonyń ishinde bilim berýdi, kadrlardy daıarlaý jáne basqa baǵyttarda jobalardy qurýǵa jol ashylady, - dedi ol.
Budan buryn habarlanǵandaı, Qazaqstan men Reseı arasyndaǵy ózara taýar aınalymy jaqyn arada 30 mlrd dollardan asyp túsedi.
