AES qurylysy boıynsha qandaı mamandar ázirlenedi – Mınıstr jaýaby
ASTANA. KAZINFORM – Atom elektr stantsııasyn salý jobasy boıynsha 2030 jylǵa qaraı 5 myńǵa jýyq adam, 2032 jyly – qurylystyń sharyqtaý kezinde 10 myńǵa jýyq adam jumyspen qamtylady. Bul týraly Energetıka mınıstri Almasadam Sátqalıev aıtyp berdi.
Al AES-ti paıdalaný kezeńinde keminde 2000 azamat jumysqa ornalasa alady.
– AES qurylysyn qoldaý úshin otandyq kolledjder AES-qa arnalǵan mamandyqtardy daıyndaıtyn bolady (dozımetrıst, gaztýrbına slesary, AES jabdyqtardy jóndeý mamany, AES aqparat tehnologııalar boıynsha mamany jáne t.b.). Mınıstrliktiń baǵynystaǵy uıymdary – Ulttyq ıadrolyq ortalyǵy men ıAdrolyq fızıka ınstıtýty elektrtehnıka kolledjderimen tyǵyz yntymaqtastyqta jáne ıadrolyq mamandyqtar boıynsha kolledj stýdentteriniń óndiristik tájirıbe ótkizý bazasy bolady, – dedi A.Sátqalıev Úkimet otyrysynda.
Osy jańa jobalardan bólek, 2025-2029 jyldary otyn-energetıka kesheninde jumys istep turǵan kásiporyndar qosymsha 16 myńǵa jýyq jumyskerdi qajet etedi. Búgingi tańda jumysshy mamandyqtardyń 43 kásibı standarty jańartyldy, jańa mamandyqtar men biliktilik belgilendi.
– Bıyl energetıka salasynda jańa mamandyqtardyń 4 kásibı standarty ázirlenedi jáne atom ónerkásibin qosa alǵanda, 29 kásibı standart jańartylady. Oqý-aǵartý mınıstrligimen birlesip, 61 JOO men 200 astam kolledjdi qamtıtyn otyn-energetıka kesheni salasynyń mamandaryn daıarlaý jumystary atqarylyp jatyr, - dedi ol.
Energetıka úshin 40 joǵary oqý orny men 215 kolledj kadr daıyndaıdy. Onda elektr, jylý jáne jańartylatyn energetıka salalarynyń 7 mamandyǵy boıynsha 19 myńǵa jýyq stýdent bilim alyp jatyr.
– Jańa elektr energııasyn óndirý nysandarynyń salynýyn, tutynýdyń belsendi ósýin jáne ekonomıkalyq damýyn eskere otyryp, 2030 jylǵa qaraı tek energetıka salasynda 20 myńnan astam mamandarǵa qajettilik bolady, – dedi mınıstr.
Buǵan deıin Almasadam Sátqalıev Qazaqstanda energetıkterdiń jalaqysy jyl saıyn 15% ósip otyratynyn habarlaǵan edi.
Sondaı-aq, jumysshy kadrlarǵa arnalǵan ıpotekalyq baǵdarlamany iske qosý tapsyryldy.
Aldaǵy 5 jylda otyn-energetıka salasynda 83 myńnan astam jumys orny qurylady.