AES qurylysy: Balqash mańynda aýyzsý tapshylyǵy bolýy múmkin be
ASTANA. KAZINFORM – Balqash kóliniń jaǵasynda salynatyn AES mańaıdaǵy eldimekenderdiń aýyzsý qaýipsizdigine áser ete me? Bul suraqqa Sý resýrstary jáne ırrıgatsııa mınıstrligi jaýap berdi.
Sý sharýashylyǵy qurylystaryn damytý departamentiniń dırektory Saǵı Útelov Balqash mańyndaǵy eldi mekenderdi aýyzsýmen qamtý jer astyndaǵy sý kózderi arqyly júrgiziletinin aıtty.
– Balqash kóli mańyndaǵy eldi mekender aýyzsýdy jerasty kózderinen alady. Al AES-tiń sý qajettiligi jer ústinde, ıaǵnı Balqash kólinen qamtamasyz etiledi. ıAǵnı, stantsııa úshin kólden sý alý josparlanyp otyr, – dedi S.Útelov Ortalyq kommýnıkatsııalar qyzmetinde ótken baspasóz máslıhatynda.
Sonymen birge, departament basshysy Balqash kóliniń negizgi qorektendirýshi kózi sanalatyn Іle ózeniniń arnasy tazartylyp jatqanyn atap ótti.
Onyń aıtýynsha, qazir Balqash mańyndaǵy turǵyndardy aýyzsýmen qamtamasyz etýge qatysty qaýip joq.
Aıta keteıik, Memleket basshysy Qasym-Jomart Toqaev keler jyly «Balqash» atom elektr stantsııasynyń qurylysyn bastaýdy usynǵan edi.
Balqash mańynda salynatyn alǵashqy atom elektr stantsııasynyń qurylysy reseılik «Rosatom» konsortsıýmymen birlesip júzege asyrylady.