AES Qazaqstan bıyl 2 mıllıard 236 mıllıon teńgeniń ınvestıtsııalyq baǵdarlamalaryn júzege asyrady - Mamythan Salıbekov
ALMATY. Maýsymnyń 21-i. QazAqparat /Erlik Erjanuly/ - EAS Qazaqstan energııa óndirýshi kompanııalary ınvestıtsııalyq mindettemelerin tolyq oryndap jatyr. Bul ótken aptada Óskemende buqaralyq aqparat quraldarynyń ókilderi úshin uıymdastyrylǵan baspasóz-týry kezinde aıtyldy,
dep habarlaıdy QazAqparat.
2009 jyly AES Qazaqstannyń 4 energııa óndirýshi kompanııalary Energetıka jáne mıneraldyq resýrstar mınıstrligimen ınvestıtsııalyq kelisimge qol qoıǵan edi. Onda «AES Óskemen sý elektr stansysy», «AES Shúlbi sý elektr stansysy», «AES Sogra jylý elektr ortalyǵy» JShS-teri men «AES Óskemen jylý elektr ortalyǵy» AQ-nyń 2009-2011 jyldary stansylardyń negizgi qural-jabdyqtaryna salatyn ınvestıtsııanyń kólemi belgilendi. 2009-2010 jyldary onyń kólemi 4,5 mıllıard teńgeni qurady. «AES Óskemen sý elektr stansysy», «AES Sogra jylý elektr ortalyǵy» JShS-teri men «AES Óskemen jylý elektr ortalyǵy» AQ-y men kelisim 2 jyldyq merzimge jasaldy. Al «AES Shúlbi sý elektr stansysy» JShS-de bul 3 jyldy quraıdy. Biz ózimizdiń ınvestıtsııalyq mindettemelerimizdi tolyq oryndap jatyrmyz. Mysaly 2009 jyly josparlanǵan ınvestıtsııa 1,7 mıllıard teńge bolatyn. Alaıda 2,3 mıllıardtyń kelisimi jasaldy», deıdi AES Qazaqstan energııa óndirýshi kompanııalary prezıdenti Mamythan Salıbekov. Onyń aıtýynsha, energııa óndirýshi kompanııalar ınvestıtsııalyq mindettemede kórsetilmegen baǵdarlamalarǵa da qarjy bólýde. Sondaı-aq 2011 jyldan keıingi ınvestıtsııalyq baǵdarlamany jasaýda. Jalpy olar bıylǵy jylǵa josparlanǵan 2,2 mıllıard teńgeniń qazirgi tańda 1,7 mıllıardyn ıegerip otyr.
