AES kadrlaryn daıarlaý: Qazaqstan men «Rosatom» yntymaqtastyqty kúsheıtedi
ASTANA. KAZINFORM - Qazaqstan Respýblıkasy Atom energııasy jónindegi agenttiginiń tóraǵasy Almasadam Sátqalıev «Rosatom» memlekettik korporatsııasy bas dırektorynyń orynbasary Tatıana Anatolevna Terentevamen kezdesý ótkizdi,- dep habarlaıdy agenttiktiń baspasóz qyzmeti.
Kezdesý barysynda Qazaqstan Respýblıkasynyń atom salasy úshin kadrlar daıarlaý salasyndaǵy yntymaqtastyqtyń negizgi baǵyttary qaraldy. Taraptar beıindi bilim berýdi damytý, atom elektr stantsııalary úshin mamandar daıarlaý máselelerin talqylady.
Agenttik tóraǵasy bilikti mamandardy aldyn ala jáne júıeli túrde daıarlaý atom salasynyń ornyqty damýy men atom energııasyn beıbit maqsatta paıdalaný jobalaryn qaýipsiz iske asyrýdyń basty sharttarynyń biri ekenin atap ótti.
Kezdesý qorytyndysy boıynsha taraptar kadrlar daıarlaý máseleleri jónindegi birlesken jumys toby aıasyndaǵy yntymaqtastyqty odan ári damytýǵa jáne praktıkalyq ózara is-qımyldy jalǵastyrýǵa ózara múddeli ekenin rastady.
Osyǵan deıin atom salasy úshin mamandar daıarlaýǵa baǵyttalǵan Salalyq keńes qurylǵany týraly jazdyq.
