AES boıynsha referendým: Reseıdegi daýys berý nátıjesi
MÁSKEÝ. KAZINFORM - Qazaqstannyń Reseıdegi (Máskeý) Elshiliginde jumys istegen №397 saılaý ýchaskesinde Qazaqstanda atom elektr stansasyn (AES) salý jónindegi referendýmda daýys berýdiń qorytyndysy shyǵaryldy, dep habarlaıdy Kazinform agenttiginiń menshikti tilshisi.
Daýysty sanaý rásiminiń qorytyndysy boıynsha saılaý komıssııasynyń músheleri Máskeýde referendýmǵa qatysýǵa tirkelgen 900 adamnyń 718-i daýys bergenin, bul 79,77 paıyz ekenin habarlady.
Eń kóp saılaýshy Máskeýde tirkeldi.
Daýys berý tynysh jaǵdaıda ótti, eshqandaı zań buzýshylyqtar tirkelgen joq. Kórshi memleket aýmaǵyndaǵy barlyq ýchaskeler sol kúni jergilikti ýaqyt boıynsha 07:00-den 20:00-ge deıin ashyq boldy.
Esterińizge sala keteıik, Reseı aýmaǵynda Qazaqstan Respýblıkasynyń Máskeýdegi Elshiliginde, sondaı-aq Qazaqstan Respýblıkasynyń qalalardaǵy Bas konsýldyqtarynda, Sankt-Peterbýrg, Qazan, Omby jáne Astrahanda saılaý ýchaskeleri ashyldy.