AES ataýyn tańdaý jónindegi konkýrstyq komıssııanyń erejesi men quramy bekitildi
ASTANA. KAZINFORM — 5 qyrkúıekte Atom energııasy jónindegi agenttiginde Almaty oblysy Jambyl aýdanynda salynýy josparlanǵan atom elektr stantsııasyna ataý berý boıynsha jalpy halyqtyq konkýrs ótkizý máselelerin qaraǵan jumys tobynyń ekinshi otyrysy ótti.
Otyrysqa jumys tobynyń quramyna engen memlekettik organdardyń, ǵylymı uıymdardyń jáne salalyq kompanııalardyń ókilderi qatysty. Іs-sharaǵa Atom energııasy jónindegi agenttiktiń tóraǵasy Almasadam Sátqalıev tóraǵalyq etti.
Talqylaý barysynda konkýrstyq komıssııanyń erejesi men quramy bekitildi. Onyń quramyna jurtshylyq ókilderi, kreatıvti ındýstrııa mamandary, sondaı-aq atom energetıkasy, fılologııa jáne tarıh salalarynyń sarapshylary kirdi. Budan bólek, ótinimderdi berý jáne qaraý tártibin, olardy baǵalaý ólshem sharttaryn jáne qorytyndy sheshim qabyldaý rásimderin aıqyndaıtyn konkýrsty ótkizý erejesiniń jobasy qaraldy.
Jumys tobynyń músheleri atom elektr stantsııasynyń ataýyn aıqyndaý sheshimi birqatar faktorlardy eskere otyryp qabyldanatynyn atap ótti. Konkýrstyq komıssııa usynystardy ataýdyń tanymaldylyǵy, tarıhı jáne mádenı mańyzdylyǵy, atom energetıkasynyń ımıdjine sáıkestigi, áýezdiligi, este saqtaýdyń jeńildigi, biregeıligi jáne ózindik ereksheligi sekildi ólshem sharttar boıynsha baǵalaıdy.
Sonymen qatar, qorlaıtyn nemese kemsitýshilik sıpattaǵy sózderdi, beı ádep leksıkany, kommertsııalyq brendterdi qamtıtyn, sondaı-aq Qazaqstan Respýblıkasynyń zańnamasyn jáne úshinshi tulǵalardyń quqyqtaryn, onyń ishinde avtorlyq quqyqty buzatyn ataýlar qabyldanbaıdy.
Azamattardyń keńinen qatysýyn qamtamasyz etý maqsatynda tsıfrlyq sheshimderdi qoldaný josparlanýda. Osy oraıda Tsıfrlyq damý, ınnovatsııalar jáne aeroǵarysh ónerkásibi mınıstrligi «Ulttyq aqparattyq tehnologııalar» AQ-men birlesip, ótinimderdi eGov Mobile qosymshasy arqyly qabyldaý jóninde usynystar engizdi.
Otyrystyń qorytyndysy boıynshak onkýrstyń negizgi uıymdastyrýshylyq qujattary bekitilip, ony ótkizý boıynsha aldaǵy qadamdar aıqyndaldy. Bolashaq atom elektr stantsııasyna ataý berý jónindegi konkýrs azamattardy tartýdyńmańyzdy quralyna aınalyp, eldiń mádenı jánetarıhı qundylyqtaryn aıqyndaýǵa múmkindik beredi.
Aıta ketelik Qazaqstanda AES ataýyn kommertsııalyq maqsatta qoldaný ıdeıasy usynyldy.