AES ataýy konkýrsynyń jeńimpazdary avtorlyq sertıfıkattarǵa ıe bolady

ASTANA. KAZINFORM – Atom energııasy jónindegi agenttigi alǵashqy atom elektr stantsııasynyń ataýyn berý jónindegi jalpyhalyqtyq konkýrstyń qorytyndysyn jarııalady. Barlyq túsken usynystardy qaraý nátıjesinde «Balqash atom elektr stantsııasy» ataýy bekitildi.

Bul ataý qatysýshylar arasynda eń tanymal nusqa bolyp, baıqaý talaptaryna tolyq sáıkes keldi. Konkýrs komıssııasynyń músheleri bul nusqany bir aýyzdan qoldady.

Sonymen qatar agenttik kelesi atom nysandarynyń ataýyn tańdaýda paıdalanylatyn barlyq usynystardan biryńǵaı baza qalyptastyrdy.

Bazaǵa mynadaı kreatıvti nusqalar engizildi: Bolashaq, Jaryq, Qýat, Úlken, Moıynqum, Uly dala, Turan, Alash, Tumar, Jetisý, sondaı-aq tarıhı tulǵalardyń esimderine baılanysty ataýlar — Sátbaev, Abaı, Kenesary, Chokın (Shafık Chokınovıch) jáne basqalar.

«Balqash» nusqasyn usynǵan 882 qatysýshy bir aı ishinde eGov Mobile mobıldi qosymshasy arqyly elektrondy avtor sertıfıkattaryn alatyndyǵy atap ótiledi.

Atom energııasy jónindegi agenttigi Qazaqstan azamattaryna birinshi AES ataýyn tańdaýǵa belsendi qatysqandary jáne qosqan úlesteri úshin alǵys bildiredi.