«AES-Amerıkalyq kompanııalar toby» London halyqaralyq sotynda básekelestikti qorǵaý agenttigimen sottasyp jatyr
ASTANA. 15 qazan. QazAqparat - «AES-Amerıkalyq kompanııalar toby» London halyqaralyq sotynda básekelestikti qorǵaý agenttigimen sottasyp jatyr. Bul týraly búgin Parlament Májilisinde ótken Úkimet saǵatynda málim boldy.
Básekelestikti qorǵaý agenttiginiń tóraǵasy Ǵabıdolla Ábdirahymovtyń aıtýynsha, jaqynda «AS-Amerıkalyq kompanııalar tobyna» qatysty tergeý aıaqtaldy. «Bul rette «AES- Óskemen jylý energııa ortalyǵy», «AES-Óskemen gıdroelektr stansasy» jáne «Eýroenergııaservıs» kompanııalaryna qatysty elektr energııa baǵasynyń negizsiz kóterilýine ákep soqqan básekelestikke qarsy kelisilgen is-áreketter boıynsha 20 mlrd. teńgeden astam aıyppul salyndy. Qazir sot isi júrip jatyr. Atalǵan top Londondaǵy halyqaralyq sotqa shaǵymdanyp, bizdiń sheshimizge qarsy daýlasyp jatyr»,-dedi Ǵ. Ábdirahymov.
Budan bólek agenttik tóraǵasy «Gazónerkásipmunaı-Qazaqstan», «Deltoenerjı», «Eldarado-Qazaqstan» sekildi birqatar kompanııalar AI-92 markaly benzınge baǵany negizsiz kótergen. Osyǵan oraı olarǵa jalpy somasy 202,4 mln. teńge aıyppul salynǵan.
Sondaı-aq, «Aqbıdaı» termınal kompanııasy bıdaıdy aýdarýǵa kelisim-shartty jasaǵan kezde keıbir kompanııalarǵa qyzmet kórsetýden negizsiz bas tartqan. Atalǵan kompanııaǵa 15,2 mln. teńge shamasynda aıyppul salyndy.
