Aeroutqyr áskerleriniń jedel toby Astana Sammıti kezindegi qaýipsizdikti qamtamasyz etý jónindegi aldyna qoıylǵan barlyq mindetterdi oryndady - Qorǵanys mınıstrligi
ANA. 3 jeltoqsan. QazAqparat - EQYU Sammıtin ótkizý kezindegi qaýipsizdik sharalaryn qamtamasyz etý maqsatynda Qazaqstan Respýblıkasy Qorǵanys mınıstriniń buıryǵymen Aeroutqyr áskerleriniń jedel toby qurylǵan bolatyn.
Qapshaǵaıdaǵy desantty-shabýyldaýshy brıgadanyń bir desantty-shabýyldaýshy rotasy, Taldyqorǵandaǵy desantty-shabýyldaýshy brıgadanyń eki desantty-shabýyldaýshy rotasy, Qazaqstan bitimgerlik desantty-shabýyldaýshy brıgadasynyń bir desantty-shabýyldaýshy batalony jáne Astanada shoǵyrlanǵan desantty-shabýyldaýshy brıgadanyń bir rotasy 25 qarashadan bastap Sammıttiń sońyna deıin kúzet sharalaryn qamtamasyz etti. Kúzet sharalaryn qamtamasyz etý barysynda negizgi kúsh Astananyń barlyq perımetri boıynsha jumyldyrylyp, kúzet aýmaǵyna bógde 
adamdar engizilgen joq. Astananyń aınalasyna 27 kúzet zastavasy men seksennen astam beketter qoıylyp, kúzet aýmaǵyna kúdikti adamdardy kirgizbeý tapsyryldy.
Áýejaıdan bastap qonaqúıge deıingi kúzet aýmaǵynda basqa da qýatty qurylymdardyń bólimshelerimen birlesip, mınasyzdandyrý toptary jumys istedi. Olardyń basty tapsyrmasy kúre jol boıy men avtokólikterden jarylǵysh qaýpi bar zattardy izdeý. Sonymen qatar, hımııalyq jáne bıologııalyq qaýipsizdik mamandary delegatsııanyń toqtaǵan jerlerin de tekserdi.
Kúzet nysandaryn tómen ushatyn apparattardan búrkemeleý maqsatynda zenıtti-zymyrandy jáne zenıtti qondyrǵylar shoǵyrlandy.
Tótenshe tapsyrmalardy oryndaý úshin 68665 áskerı bóliminen jalpy sany 500 adamdy quraıtyn rezerv bólindi.
Aeroutqyr áskerleriniń jeke quramy Qorǵanys mınıstrliginiń basshylyǵy qoıǵan EQYU Sammıti ótkizý kezinde qaýipsizdikti qamtamasyz etý tapsyrmalardy adal oryndady.Olardyń arasynda efreıtor Zagıra Vagapovany, qatardaǵy jaýynger Sergeı Popovty, 32363 áskerı bóliminiń desantty-shabýyldaýshy vzvod komandırleri aǵa leıtenant Damır Ospanov, leıtenant Denıs Roppel, 61993 áskerı bóliminiń rota komandıri aǵa leıtenant Sergeı Batýrın, desantty-shabýyldaýshy batalon komandıri maıor maıor Myrzaǵalı Darbyshev bar.
EQYU Sammıtin ótkizý kezeńin qamtamasyz etý sharalaryna 1200-den astam áskerı qyzmetshi, 100-den astam áskerı tehnıka tartyldy.
