Aeroutqyr áskerleriniń bólimderi tehnıkalyq tekseristen ótkizildi

ASTANA. 8 aqpan. QazAqparat - Aeroutqyr áskerleriniń bólimderi men quramalarynda áýe-desanty múlikterin tehnıkalyq tekseristen ótkizý aıaqtaldy.

QR QM baspasóz qyzmetiniń málimetinshe, bul sharany ótkizý úshin quramyna áýe-desanty tehnıkasy jónindegi mamandar kirgen arnaıy komıssııa quryldy.

Reglamentti jumystar barysynda qoldanystaǵy áýe-desanty tehnıkalarynyń qujattamalary muqııat qaraldy. Sondaı-aq, atalǵan tehnıkalardy kútip-baptaýdyń jaı-kúıine, desantshylar múlkin saqtaý bóliminiń oqý-materıaldyq bazasyna tekserister júrgizildi.

Tekseris barysynda belgilengen merzimi ótken parashıýtti qondyrǵylar qoldanystan shyǵaryldy. Sondaı-aq sekirýdi uıymdastyrýǵa arnalǵan parashıýttik júıeler men basqa da qondyrǵylar retke keltirildi. Komıssııa áýe-desanty quraldarynyń jaǵdaıy normatıvter men talaptarǵa sáıkes jáne paıdalanýǵa daıar degen baılamǵa keldi.