Aeroutqyr áskerleriniń 13-shi spartakıadasy bastaldy (FOTO)
Saıysqa Qazaqstan Aeroutqyr áskerleriniń barlyq áskerı bólimderi áskerı qyzmetshileriniń komandasynan 200-ge jýyq adam tartyldy. Jarys 4 chemponatty qamtıdy.
«Prezıdenttik kópsaıys - pnevmatıkalyq vıntovkadan oq atý, odan keıin erler úshin beltemirge tartylý jáne áıelder úshin ishti qataıtýǵa arnalǵan jattyǵý, 3,5 jáne 10 shaqyrymǵa shańǵy jarysy. Ekinshi chempıonat - partýlderdiń komandalyq jarysy. Bul dodada ár komandadan 4 adamnan qatysady. Qatysýshylar atys shepterinde nysanalarǵa jol boıynda oq atyp, 10 shaqyrymdyq qashyqtyqty eńseredi. Ári qaraı spartakıada baǵdarlamasyna sáıkes bes salmaqtyq sanattaǵy gir kóterýden eki saıys jáne 60, 65, 70, 75, 80, 90 kelige deıingi salmaqta armsporttan saıys ótedi. Spartakıada 15 qańtarǵa deıin sozylady»,- delingen habarlamada.
Vedomstvonyń atap ótýinshe, birinshi kúni qatysýshylar salmaqty aıqyndaý úshin tarazyǵa ólshendi, spartakıadanyń ótkizilý baǵdarlamasymen tanysty.
QR QK Qurlyq áskerleri bas qolbasshysynyń basqarmasynda atap ótkendeı, júldeli oryn alǵan áskerı qyzmetshiler gramotalar jáne baǵalyq syılyqtarmen marapattalyp, QR Qarýly Kúshteriniń saıystaryna qatysý úshin Aeroutqyr áskerleriniń qurama komandasynyń quramyna kirý múmkindigine ıe bolady. Aeroutqyr áskerleriniń spartakıadasy - bul jyl saıyn eń belsendi, myqty áskerı qyzmetshi desantshylardyń basyn biriktiretin aýqymdy doda. Jyl saıyn bul saıysqa qatysýshylardyń sheberligi ósýde, oqý-sporttyq jáne ádistemelik baza jetildirilýde. Nátıjesinde, munyń barlyǵy áskerı qyzmetshilerdiń jalpy dene jáne jaýyngerlik daıarlyǵyna, demek, jalpy alǵanda, Aeroutqyr áskerleriniń ázirligine ońtaıly yqpal etedi.
