Aerotaksı tehnologııasyn retteýge zańnamaǵa ózgeris engizile me
ASTANA. KAZINFORM – Aerotaksı qyzmeti alǵash qaı qalalarda iske qosylady? Bul tehnologııany retteý úshin zańnamaǵa ózgeris engizildi me? Bul suraqtarǵa QR Kólik mınıstrligi jaýap berdi.
- Aerotaksı qyzmeti bastapqy kezeńde Alataý jáne Almaty qalalarynda iske qosylady. Memleket basshysy 2026 jyldyń 8 mamyrynda «Alataý qalasynyń erekshe quqyqtyq rejımi týraly» Konstıtýtsııalyq zańǵa qol qoıdy. Osy Zańnyń 57-baby Alataý qalasynda qazirgi zamanǵy qalalyq áýe mobıldigi tehnologııalaryn, sonyń ishinde pılotty jáne pılotsyz ınnovatsııalyq ushý apparattaryn engizý úshin quqyqtyq negiz qurýdy kózdeıdi, - delingen mınıstrliktiń Kazinform agenttigine bergen jaýabynda.
Norma Alataý qalasynda qazirgi zamanǵy ınnovatsııalyq ortany qalyptastyrýǵa jáne áýe keńistigin paıdalana otyryp, perspektıvalyq kólik jáne logıstıkalyq sheshimderdi damytýǵa baǵyttalǵan.
- Bul rette, mundaı tehnologııalardy engizý mindetti túrde eksperımentaldi quqyqtyq rejım aıasynda synaqtan ótkennen keıin ǵana júzege asyrylady. Bul qaýipsizdik, tıimdilik jáne ınfraqurylymnyń daıyndyǵy máselelerin aldyn ala baǵalaýǵa múmkindik beredi. Búginde halyqaralyq tájirıbege súıene otyryp, áýe kóligin retteıtin qoldanystaǵy zańnamaǵa ózgerister men tolyqtyrýlar jınaǵy ázirlendi jáne tıisti normatıvtik-quqyqtyq aktilerdi qabyldaý rásimderinen ótip jatyr, - dep atalyp ótken vedomstvo aqparatynda.
Eske salsaq, Alataý qalasyna arnaýly quqyqtyq mártebe berildi.
Buǵan deıin «Alatau City Authority» memlekettik qorynyń Bas atqarýshy dırektory Álisher Ábdiqadyrov aerotaksıdiń jol aqysyna qatysty pikir aıtty.
