Aeroflot júkterdiń ýaqtyly jetkizilmeýine baılanysty tergeý júrgizedi
ASTANA. QazAqparat - Búgin Nursultan Nazarbaev áýejaıynda júkterdiń ýaqtyly jetkizilmeýine baılanysty jolaýshylar shaǵymynyń jıileýine oraı halyqaralyq reısterdi oryndaıtyn barlyq áýe kompanııalary ókilderimen otyrys ótti. Bul jaıynda Investıtsııalar jáne damý mınıstrliginen málim etti, dep habarlaıdy QazAqparat.
Jıyn barysynda «Aeroflot» jáne «Rossııa» áýe kompanııalary ókilderiniń 2017 jylǵy 23 shildedegi júkterdi ýaqtyly jetkizbeý faktisi, al «SCAT» áýe kompanııasy ókiliniń reıster kestesiniń buzylý boıynsha esebi tyńdaldy.
«Aeroflot» áýe kompanııasy ókildiginiń basshysy Vladımır Kýshnırenkonyń aqparatyna sáıkes, kemshilik reseılik áýejaılarynda júkti óńdeý júıesiniń buzylýy sebepti oryn alǵan. Aldaǵy ýaqytta áýe kompanııasy ishki tergeý júrgizetin bolady jáne mundaı jaǵdaılardyń aldyn alý sharalaryn qabyldaıdy. Sonymen qatar «Rossııa» áýe kompanııasy» AQ ókili Almas Mamılınniń júkterdiń jetkizilýiniń keshigýin tómendetý boıynsha usynystary tyńdaldy.
Kezdesý barysynda «SCAT» áýe kompanııasy reısteriniń keshigýi men oryndalmaýy jaǵdaılary da ortaǵa salyndy. «SCAT» áýe kompanııasy» AQ fılıalynyń dırektory Irına Lýpýndıýktiń sózine qaraǵanda, reısterdiń keshigýi men oryndalmaı qalýy 2017 jylǵy shildeniń 14-16-sy aralyǵynda kompanııanyń birneshe áýe kemesiniń aqaýlyǵyna baılanysty oryn alǵan. Osy jyldyń maýsymynda 2259 reıs oryndalyp, onyń 420 reısi keshikti. Al shildede 1826 reıs oryndalsa, sonyń 470 keshiktirilip otyr.
