«Aeroflot» Qazaqstandaǵy reısterin qaıta jandandyrdy
ASTANA. QazAqparat - Qazaqstan Respýblıkasy Investıtsııalar jáne damý mınıstrliginiń Azamattyq avıatsııa komıtetinen ruqsat alǵannan keıin «Aeroflot» Qazaqstandaǵy reısterin qaıta jandandyryp jatyr.
27 naýryzda barlyq reıster kestege sáıkes júrgiziledi, dep habarlandy «Aeroflot» kompanııasynyń resmı saıtynda, dep jazdy russian.rt.
«2016 jylǵy jazǵy» maýsymynda, 2016 jyldyń 27 naýryzynan 29 qazanyna deıin Aeroflot Máskeýden Qazaqstannyń jeti qalasyna: Aqtaý, Aqtóbe, Almaty, Astana, Atyraý, Qaraǵandy jáne Shymkentke tikeleı reıs ushýdy josparlaǵan.
Eske sala ketsek, Reseıdiń áýe tasymaldaýshysy «Aeroflot» kompanııasy óz saıtynda senbide Qazaqstanǵa áýe reısin toqtatqanyn habarlaǵan edi. Óıtkeni Qazaqstan 27 naýryzda kúshine enetin jazǵy keste boıynsha ushýlardy oryndaýǵa ruqsat qujattamany bermegen.
