Aeroflot áýe kompanııasy Qazaqstanǵa reısterdi qaıta bastady

NUR-SULTAN. QazAqparat - Aǵymdaǵy jyldyń 10 qańtarynan bastap «Aeroflot» áýe kompanııasy Nur-Sultanǵa reısterdi qaıta bastady, dep habarlaıdy QR IIDM baspasóz qyzmeti.

«Aeroflot» áýe kompanııasynyń Máskeýden Nur-Sultan qalasyna alǵashqy reısi jergilikti ýaqyt boıynsha saǵat 10:35-te keldi.

Nur-Sultan-Máskeý baǵyty boıynsha reısti jergilikti ýaqyt boıynsha saǵat 12:05-te oryndaý josparlanýda.

«Aeroflot» áýe kompanııasynyń reısterine bıletterdi áýe kompanııanyń saıtynan satyp alýǵa bolady.

Reıster sanıtarlyq – epıdemıologııalyq talaptardy qatań saqtaı otyryp oryndalady.

Fly Dubai Dýbaı-Nur Sultan-Dýbaı baǵyty boıynsha turaqty reısterdi jalǵastyrýda.

2022 jyldyń 10 qańtarynda:

- Dýbaı - Nur-Sultan FZ1721 09:10-15:55

- Nur-Sultan-Dýbaı FZ1722 16:55- 20:10

- Dýbaı-Nur-Sultan FZ1705 12:00-18:45

- Nur-Sultan-Dýbaı FZ1706 19:45-23:00 reısterin oryndaý josparlanýda.

Qazirgi ýaqytta áýe kompanııanyń koll-ortalyǵy 888000702833 nómiri boıynsha táýlik boıy jumys isteıdi.