AEF: Ulybrıtanııa kıberqylmyspen qalaı kúresip jatyr

ASTANA. QazAqparat - Memleketterdiń ózi ulttyq mańyzy bar málimetterdi qorǵaýǵa kepildik bere almaı otyrǵan zamanda kıberqylmystar legin qalaı bógeýge bolady? HІ Astana ekonomıkalyq forýmynda Ulybrıtanııa Úkimetiniń tehnologııa máseleleri boıynsha keńesshisi Lıam Maksvell osy jaıly keńirek aıtyp berdi, dep habarlaıdy QazAqparat tilshisi.

«Kıberqaýipsizdik máselesi óte mańyzdy. Zaman kún saıyn ózgerýde. Ulybrıtanııa qazirgi tańda tehnologııaǵa asa táýeldi memleketke aınaldy. Bizdiń ekonomıkanyń jartysy - tsıfrlyq júıede. Tehnologııanyń áseri ekonomıkanyń ózinen góri eki esege ósip keledi. ıAǵnı, tehnologııalar - bizdiń eldiń baılyǵynyń fýndamentaldy bóligi. Qazir osy sebepti tehnologııalar men tsıfrlyq ekonomıka bizge qanshalyqty artyqshylyq berip jatqany zertteý ústindemiz. Meniń oıymsha, bul faktordy aqparattyq qaýipsizdik turǵysynan qarastyrýymyz kerek. Biz onlaın-bıznesti iske asyrý úshin eń qolaıly orynǵa aınalýdy kózdeýdemiz», - dedi Lıam Maksvell.

Onyń aıtýynsha, osy arqyly Ulybrıtanııa ekonomıkanyń barlyq salasyna jaıly jaǵdaıdy jasaýda.

«Kıberqaýipsizdikke basa nazar aýdaryp otyrǵanymyzdy myna mysaldarmen keltireıin. Bizdiń elde Kıberqaýipsizdik boıynsha ulttyq ortalyq bar. Bul ortalyqtyń negizgi fýnktsııasy - ekonomıkanyń barlyq salasyn retteý bolyp tabylady. Eger biz onlaın-bıznesti iske asyrǵymyz kelse, eń aldymen qaýipsizdikti alǵa qoıýǵa tıispiz. Ortalyq bizge ártúrli kıbertehnıkalardyń adamdar men tehnıkalar, bıznesti gúldendirýge múmkindik beretin keńistikti qurýǵa kómektesedi. Bul óte mańyzdy. Biz ortalyqqa qatysty jobalarǵa ınvestıtsııany aıamaımyz», - dedi Lıam Maksvell.

Ulybrıtanııa ókiliniń aıtýynsha, ol eldegi tsıfrlandyrý salasynyń jarǵysynda tsıfrlyq kompanııalardyń jumysyna basa mán berilgen.

«Bizde ınternet erkin. Elimizde jeke emes, jahandyq ınternettiń bolǵanyn qalaımyz. Bul - tsıfrlandyrý jarǵysynyń bir komponenti bolyp tabylady. Biz ınternet lıberaldyq eýropalyq qoǵamnyń negizgi komponenti dep bilemiz», - dep túıdi Maksvell.