AEF-ta azamattyq qoǵam ınstıtýttarynyń róli talqylandy
Qatysýshylar aldynda sóz sóılegen QR Din isteri jáne azamattyq qoǵam mınıstri Darhan Káletaev Qazaqstandaǵy azamattyq qoǵamnyń damýy jóninde birqatar ózekti máselelerge toqtaldy.
«Qazaqstan álemdik trendtermen bir baǵytta damý ústinde. Memleket basshysy ǵalamdyq damýdyń basty bes megatrendin atap ótti. Olardyń qatarynda adam qyzmetiniń barlyq salalaryn tsıfrlandyrý, energetıkalyq revolıýtsııa, jer sharyndaǵy turǵyndar sanynyń jyldam ósýi, ýrbanızatsııa qarqyny men sıpatynyń jáne jahandyq eńbek naryǵynyń ózgerýi bar. Bul rette, Astana ekonomıkalyq forým aıasynda biz azamattyq qoǵamnyń keleshegine kóz salýdy jón sanadyq. Jańa azamattyq pozıtıvtik belsendilik halyq pen memleket ómirine qalaı yqpal etetinin talqylaý úshin bedeldi sarapshylardy shaqyrdyq», - dedi Darhan Káletaev.
Sonymen qatar, D. Káletaev turǵyndardyń oı-sanasyna áleýmettik jelilerdiń tıgizetin áseri týraly, onyń ishinde azamattyq qoǵamnyń dástúrli ınstıtýttary halyqtyń pikirin bildirý úshin jańa jelilik ınstıtýtarmen básekege túsetinine toqtaldy. Onyń aıtýynsha, áleýmettik jeliler men ınternet biz úshin azamattyq belsendiliktiń vırtýaldy túrin ashty, vırtýaldy belsendilik arqyly árbir adam memlekettik bastamalardy, qoǵamdyq máselelerdi talqylaýǵa qatysa alady jáne olardy sheshý úshin syndarly usynystaryn jasaıdy.
Mınıstr azamattyq qoǵam jańa transformatsııanyń qozǵaýshy kúshi bolýy qajet ekendigin atap ótti. Bul úshin bilim alýdy, jańa daǵdylar men bilikti damytýǵa, qarym-qatynas mádenıetin jáne kommýnıkatsııany jetildirý qajet.
Shara barysynda úkimettik emes uıymdardyń, áleýmettik kásipkerliktiń jáne azamattyq belsendiliktiń zamanaýı damý trendteri týraly tanymal sarapshylar sóz sóıledi.
