AEF: Qazaqstannyń ósim strategııasy arnaıy sessııada talqylanady
QR Ulttyq ekonomıka mınıstrligi Ekonomıkalyq zertteýler ınstıtýtynyń uıymdastyrýymen ótetin sharaǵa tanymal spıkerler, halyqaralyq bedeldi sarapshylar tartylmaq. Sonymen qatar, arnaıy sessııany ótkizýge Dúnıejúzilik bank áriptestik tanytyp otyr.
«Qazirgi tańda álemdik ekonomıkadaǵy óndiris jaǵdaıy men saýda tártibi shapshań ózgeristerge ushyraýda. Osyǵan baılanysty Qazaqstan ekonomıkasy da jańa qaterlerge tap bolyp jatyr. Sondyqtan da Qazaqstanǵa ornyqty ekonomıkalyq ósimdi qamtamasyz etip, ekonomıkalyq jáne áleýmettik jaǵdaıy joǵary memleketter qataryna enýi úshin damýdyń ortamerzimdik baǵdarlamasyn qaıta formattaý ózekti bolyp tabylady. Osy maqsattar aıasynda Astana ekonomıkalyq forýmy dıalogtyq alańynda sarapshylar men polısı-meıkerler arasynda ekonomıkalyq ósimniń, ekonomıkalyq damýdyń zamanaýı trendteri, Qazaqstan úshin ǵana emes basqa da, ásirese shıkizat eksporty úlken ról atqaratyn memleketter úshin jańa ekonomıkalyq jaǵdaıda ósimdi yntalandyrý tetigi mańyzdy bolyp tabylady», delingen baspasóz baıanynda.
Sessııa barysynda sarapshylar tájirıbe almasý máselelerin talqylap, ekonomıkalyq ósim strategııasy salasyndaǵy usynymdar men problemalarǵa nazar aýdaratyn bolady.
Sessııany Dúnıejúzilik banktiń bas ekonomısi HansTımmer (HansTimmer) júrgizedi dep kútiledi. Oǵan QR Ulttyq ekonomıka mınıstrliginiń basshylary, Polsha Respýblıkasynyń burynǵy prezıdenti (1995-2005 jj.) Aleksandr Kvasnevskıı, Frantsııa Prezıdentiniń burynǵy keńesshisi, frantsýz ekonomısi, Eýropalyq qaıta qurý jáne damý bankiniń tuńǵysh prezıdenti Jak Attalı (JacquesAttali) qatysady dep josparlanyp otyr.
Sonymen qatar, spıkerler arasynda amerıkalyq ekonomıst, LafferAssociatesıLafferInvestments negizin qalaýshy ári prezıdenti Artýr Laffer, 2010 jylǵy ekonomıka boıynsha Nobel syılyǵynyń ıegeri Krıstofer Pıssarıdes, Dúnıejúzilik banktiń Eýropa men Ortalyq Azııa boıynsha ádilsot máseleleri jónindegi top basshysy Amıtabha Mýherdjı, Azııa damý bankiniń Bas ekonomısiniń keńesshisi Hesýs Felıpe jáne basqalary qatysady.
AEF aıasyndaǵy sessııada talqylanýy josparlanǵan másele álemdik naryqqa qatysýshylardyń barlyǵy úshin asa ózekti bolyp tabylady ári ornyqty ekonomıkalyq ósim tetikterin jetildirý jolynda jańa qarqyn beretini kútiledi.