AEF-da Prezıdent álem aldynda turǵan bes qaýip-qaterdi atady

ASTANA. QazAqparat - Elbasymyz keshe ekonomıkalyq forýmda sóılegen sózinde búkil álemdi zattandyrý boıynsha jahandyq deńgeıde bes bastama kóterdi. Bul týraly pikirdi Kómir hımııasy jáne tehnologııalary ınstıtýtynyń dırektory Bolat Ermaǵambet bildirdi, dep habarlaıdy QazAqparat.

«Elbasymyz keshe ekonomıkalyq forýmda sóılegen sózinde búkil álemdi zattandyrý boıynsha jahandyq deńgeıde bes bastama kóterdi. Sol bes bastamanyń ózi bizdiń elimizdiń qanshalyqty damyǵanyn kórsetedi. Ekinshiden, bizdiń qazir damyp jatqan ekonomıkamyzdyń negizi tsıfrlandyrý bolýy kerek. Jáne biz adamı kapıtaldy jaqsy damytýymyz qajet. Úshinshiden, biz ónerkásibimizd revolıýtsııalyq ózgeristen ótkizýimiz kerek. Ol úshin qazir bizde joǵary tehnologııalardy damytýdyń mańyzy óte zor. Tehnologııalyq damytqanda eń basty másele - ekologııalyq másele bolyp tabylady. Óıtkeni, árbir tehnologııalyq ekonomıkalyq jáne ekologııalyq úrdisterdiń negizgi, basty deńgeıine jetý kerek. Qazir álemde, búkil ǵalamsharda ekologııalyq másele birinshi orynda tur. Ol máseleni eger biz qazir qolǵa almasaq, erteń búkil dúnıe, álem apatqa ushyraýy múmkin. Sondyqtan eger bizdiń damýymyz, jalpy Qazaqstan ekonomıkasynyń damýy jańa ekologııalyq tehnologııalardyń negizinde qalanýy kerek. Jáne ony bizdiń Elbasymyz ony basymdylyqpen atap ótti. Al adamı kapıtaldy damytý boıynsha bizdiń jastarymyzdyń, tehnologtar men ekologtarymyzdyń jáne ǵalymdarymyzdyń, kásipkerlerimizdiń ekologııalyq máselege teń kóńil bólgeni oń bolar dep oılaımyn», - Bolat Ermaǵambet.

Sondaı-aq AEF-da sóz alǵan Memleket basshysynyń sózine qatysty «Qazaqstan» RTRK AQ tilshisi Dýlat Ábıbýllaev óziniń azamattyq pikirin bildirdi.

«Shynynda da, bıylǵy 11-shi Astana ekonomıkalyq forýmynyń kún tártibi óte ózekti. Keshe plenarlyq otyrysta Prezıdent jalpy álemniń aldynda turǵan bes qaýip-qaterdi atap ótti. Onyń barlyǵy mańyzdy. Bul tek meniń baǵam emes, osynda kelip jatqan halyqaralyq áriptesterim de osyndaı pikirde. Óte ózekti taqyryptar qozǵaldy. Jalpy, forým aıasynda túrli taqyryptarǵa arnalǵan 76 is-shara josparlansa, onyń 40-y keshe ótti, búgin 30-dan astamy ótedi. Qazir mine, tsıfrlandyrýǵa baılanysty jáne ýrbanızatsııaǵa qatysty sessııalardy kútip otyrmyz. Bıylǵy forýmnyń kún tártibine qatysty meniń jeke pikirim osyndaı», - deıdi jýrnalıst.

Foto: primeminister.kz