AEF-da Ortalyq Azııada saýda-sattyqty damytýdyń jańa jospary tanystyrylady
Ásirese sarapshylar ınvestorlardyń qyzyǵýshylyǵyn negizge ala otyryp, aımaqtaǵy saýda-sattyqty jandandyrýdyń joldaryn talqylaıdy. Osy maqsatta halyqaralyq pikirtalas alańyna Azııa damý banki prezıdentiniń orynbsary Venchaı Jang, Dúnıejúzidik banktiń Ortalyq Azııadaǵy aımaqtyq dırektory Lılııa Býrýnchýk jáne taǵy basqa aıtýly tulǵalar keledi.
Kún tártibinde óńirdegi saýdany damytýdyń tyń ádisterin taýyp, oǵan qatysýshylardy yntalantyratyn tetikterdi anyqtaý máselesi bar.
«Aldaǵy forýmda óte ózekti máseleni qozǵaıyn dep otyrmyn. Naqtyraq aıtqanda, AHQO soty men arbıtrajdy sot arqyly álemdik ekonomıkadaǵy qıyndyqtarǵa qalaı tótep berýge bolatyndyǵyn sóz qylamyn. Óıtkeni bizdiń negizgi maqsat - qarjylyq daýlardy sheshý. Jumysymyzdyń júıesi brıtandyq quqyq negizine qurylǵan. Sáıkesinshe, bul bastama Qazaqstannyń ınvestıtsııalyq tartymdylyǵyn arttyra túsýi kerek», - deıdi AHQO sotynyń tirkeýshisi Krıstofer Kempbell-Holt.