AEF: Azııanyń jahandyq damýda aldyńǵy qatarǵa shyǵýynyń nátıjesi ýnıversıtetterge áser etýde - A. Sárinjipov

ASTANA. QazAqparat - Jaqyn arada Azııa jańa tehnologııalardyń, jańa bilimniń kózine aınalady. Bul týraly búgin Astana ekonomıkalyq forýmy aıasyndaǵy Azııa ýnıversıtetteriniń ІІІ forýmynda QR Bilim jáne ǵylym mınıstri Aslan Sárinjipov málim etti.

«Sońǵy kezde Azııanyń róli ózgerýde. Azııa aldyńǵy qatarǵa shyǵyp, jahandyq damýdyń lokomotıvine aınalýda. Bul óz kezeginde bilim berý salasynda da kórinis tabýda. ıAǵnı, jaqyn arada bizdiń óńir jańa tehnologııalardyń, jańa bilimniń kózine aınalady. Osynyń barlyǵy ýnıversıtetterdiń arqasynda júzege asyrylady», - dedi A. Sárinjipov.

Turaqty damýǵa qol jetkizý úshin qazirgi zamanǵy jáne bolashaq urpaqqa ıntegratsııa qajet ekenine toqtalǵan mınıstr, «Sonymen birge halyqaralyq yntymaqtastyq pen tájirıbe almasý da qajetti. Bul úderis ýnıversıtterdi jańa formatqa qatysýǵa talap etedi. Ýnıversıtetter joǵary bilim, zertteý, ınnovatsııalar ortalyǵy bola otyryp, zııatkerlik qoǵamdy qalyptastyrýda negizgi róldi atqarýy tıis. Álem jahandanýda, shekaralyq kedergiler joıylýda. Ekonomıkalyq keńistiktermen qatar, bilim keńistikteri birigýde. Osy oraıda bilim ordalary stýdenttermen, oqytýshylardyń tájirıbe almasýyn uıymdastyrýda, tehnologııalarmen almasýda»,-dedi mınıstr.