AEF aıasynda 73 iri shara ótkizildi - S.Nógerbekov

ASTANA. 24 mamyr. QazAqparat - VI Astana ekonomıkalyq forýmy aıasynda 73 iri shara ótkizildi. Bul týraly elordada AEF aıasyndaǵy Kóshbasshylar dıalogynda QR Parlamenti Senatynyń depýtaty Serik Nógerbekov málim etti.

«Osy úsh kúnniń ishinde bizdiń forým aıasynda 73 iri shara ótip, kóptegen máseleler egjeı-tegjeıli talqylandy. Ásirese G-20-lyqqa Reseıdiń tóraǵalyǵymen ótken aýtrıch is-sharalaryn erekshe atap ótkim keledi. Ol jemisti ótkizildi. G-20-lyq úshin qarar jobasy qabyldandy», - dedi ol.

S.Nógerbekovtiń atap ótýinshe, sonymen qatar búgin Dúnıejúzilik daǵdarysqa qarsy konferentsııanyń qorytyndy qujaty qabyldandy. Jalpy, forým jumysyna 132 memleketten 10 myńnan astam adam qatysty. Shara aıasynda ótken barlyq dóńgelek ústelderde 2014 jyly elordada ótetin forýmnyń baǵdarlamasyna enetin taqyryptar naqty belgilendi.

«Endigi ýaqytta jyl boıy «G-Global» kommýnıkatıvti alańynda 6-shy Astana ekonomıkalyq forýmynyń sharalary men taqyryptary keńinen talqylanatyn bolady. ıAǵnı, 7-shi Astana ekonomıkalyq forýmy men «G-Global» kommýnıkatıvti alańyna yqpaldasý júrgiziledi», - dedi S.Nógerbekov.