AEF: Álıhan Bókeıhan, Ál-Farabı, Júsip Balasaǵunnyń memlekettik basqarýdy ilgeriletýdegi úlesi týraly aıtyldy

NUR-SULTAN. QazAqparat - Álemniń 15-ten astam eliniń memlekettik qyzmet salasyndaǵy quzyrly organ basshylary men ókilderi, áıgili halyqaralyq sarapshylar bas qosqan halyqaralyq jıynda Álıhan Bókeıhan, Ál-Farabı, Júsip Balasaǵunnyń memlekettik basqarýdy ilgeriletýdegi úlesi tilge tıek etildi, dep habarlaıdy QazAqparat.

«Marapat jáne qurmet: HHІ ǵasyrda memlekettik qyzmetshilerdi yntalandyrý» atty sessııany Astana memlekettik qyzmet haby BUU Damý Baǵdarlamasy jáne Nazarbaev Ýnıversıtetimen birge AEF aıasynda uıymdastyrdy.

Sessııanyń ashylýynda Astana haby basqarýshy komıtet tóraǵasy Álıhan Baımenov «adamzattyń ortaq ózekti máselerin sheshýde memlekettik basqarý sapasynyń orny erekshe» ekendigine, ol «tek memlekettik qyzmetshilerdiń bilimi jáne biligimen ǵana emes, yntasymen de anyqtalatyndyǵyna» toqtaldy.

Álıhan Baımenovtiń aıtýynsha, «memlekettik qyzmetshilerdiń jeke bastyń qamyn emes, memlekettiń, qoǵamnyń ortaq máselererin sheshýge beıim bolýy, elge qyzmet jasaýǵa nıeti el damýynda mańyzdy ról atqarady. Osyny túsingen Alash Orda úkimetiniń basshysy Álıhan Bókeıhanov osydan 100 jyl buryn «ultqa qyzmet - minezden» degen».

Astana haby jetekshisi óz sózinde, memlekettik qyzmetkerge qajet 12 qasıetti uly babamyz ári oıshyl Ál Farabı 11 ǵasyr buryn anyqtap bergenin, onyń ishinde adaldyq pen memleket isine berilgendik sheshýshi qundylyq retinde kórsetilgenin jetkizdi. Osy kezeńde Ortalyq Azııadan shyqqan fılosof Júsip Balasaǵun 15 laýazymdaǵy memlekettik qyzmetkerler úshin mańyzdy kásibı biliktilik retinde abyroı men yntany erekshe ataǵan.

Jıyn barysynda on besten astam eldiń, sonyń ishinde Grýzııa, Ýkraına, Qazaqstan, Qyrǵyzstan, Chernogorııanyń ýákiletti organdar basshylary men ókilderi memlekettik qyzmetshiledi yntalandyrý joldaryn, eńbekaqy tóleý júıesin reformalaý, olardyń qyzmet tıimdiligin baǵalaý boıynsha tájirıbelerimen bólisti.