AEF: AliBaba Group negizin qalaýshy, qytaı mılıarderi Djek Ma elordada onlaın-saýdanyń keleshegi týraly baıandama jasaıdy

ASTANA. QazAqparat - 25-26 mamyrda elordada ótetin Astana ekonomıkalyq forýmy barysynda álem ekonomıkasyndaǵy ózekti taqyryptar talqyǵa túsetin bolady. Bıylǵy Astana forýmyna bızneste, ǵylym men ınnovatsııa salasynda jahandyq jetistikterge jetken álemdik kóshbasshylar qatysýǵa daıyndyǵyn naqtylap otyr. Bul týraly uıymdastyrýshylar tarapynan habarlandy.

«Búkil álem sarapshylary ekonomıkanyń damýyna, elderdiń ınvestıtsııalyq tartymdylyǵyn arttyrýǵa, sondaı-aq bıznesti sapaly jańa deńgeıge shyǵarýǵa kómektesetin barynsha tıimdi strategııalar men praktıkalyq mysaldarmen bólisý úshin birlesip dıalogtyq alańǵa jınalady», delingen baspasóz baıanynda.

Máselen, ataqty spıkerler qatarynda - AliBaba Group ınternet-kommertsııa salasyndaǵy qytaı kompanııasyn qurýshy Djek Ma bar. Djek Ma Qytaı mıllıarderi (Forbes nusqasy boıynsha jahandyq mıllıarderler qataryna kiredi, Financinal Times nusqasy boıynsha 2013 jylǵy Jyl adamy) AEF-ke qatysý úshin Qazaqstanǵa alǵash ret keledi. Forýmda Ma onlaın-saýdanyń keleshegi týraly baıandama jasaıdy.

Sonymen qatar, AEF-2016 spıkerleriniń qatarynda Kolýmbııa Ýnıversıteti Jer ınstıtýtynyń dırektory, professor Djeffrı Saks bar. BUU Bas hatshysynyń ornyqty damý jónindegi keńesshisi Dj. Saksty Amerıkanyń «Taım» jýrnaly eki márte 100 eń úzdik álemdik kóshbasshylar qataryna qossa, «The Economist» jýrnalynyń pikiri boıynsha ol sońǵy onjyldyqtaǵy eń bedeldi ekonomıster úshtigine kiredi.

AEF aıasynda Djefrı Saks birneshe paneldik sessııalarynda spıker retinde baıandama jasaıdy, «Jyldam damıtyn rynoktar artýyn qaıta júkteý» panelderiniń birinde ol basqa sarapshylarmen birlesip ekonomıka damýynyń baıaýlaý protsesterine sıpattama berip, jyldam damyǵan rynoktarda valıýtalar qunsyzdanýy máselelerin, sondaı-aq ekonomıkalyq damýdyń jańa úlgileri men qurylymdyq reformalaryn talqylaıdy.

Forým jumysyna AQSh burynǵy prezıdenti Ronald Reıgannyń ekonomıka máseleleri jónindegi keńesshisi Daron Adjemoglý men Ulybrıtanııa Premer-Mınıstri Margaret Tetcherdiń keńesshisi Artýr Laffer, sondaı-aq «Valıýtalyq soǵystar» bestselleriniń avtory Sýn Hýnbın qatysady.

«AEF-2016 osyndaı belgili saıasatkerler men sarapshylardyń qatysýy Forýmǵa qyzyǵýshylyq artyp otyrǵanynyń kórsetkishi ǵana emes, bul ózara yntymaqtastyqqa daıyndyqtyń dáleli», delingen baspasóz baıanynda.