Adjman AEA ókilderi «Karaganda Invest-2016» halyqaralyq forýmyna qatysatyn boldy

ÁBÝ-DABI. QazAqparat - Qazaqstannyń Birikken Arab Ámirligindegi Tótenshe jáne ókiletti Elshisi Qaırat Lama Sharıf BAÁ soltústigindegi Adjman ámirligine baryp, erkin saýda ekonomıkalyq aımaǵynyń bas dırektory Mahmýd ál-Hashemımen kezdesti. Bul týraly Qazaqstan Elshisi Feısbýktegi jeke paraqshasynda ózi habarlady.

««Saryarqa arnaıy ekonomkalyq aımaǵynyń» jetekshi kompanııasy sanalatyn «Karaganda Invest» AQ men «Ajman Free Zone», erkin saýda ekonomıkalyq aımaǵynyń ákimshiligi arasynda 2014 jyldyń 24 maý\symynda Qaraǵandyda qol qoıylǵan yqpaldastyq týraly memorandýmdy júzege asyrý maqsatynda «Adjman» AEA bas dırektorymen kezdestim», dep jazdy Elshi.
«Kezdesýde 27 sáýir kúni ótetin «Karaganda Invest-2016» ınvestıtsııalyq halyqaralyq forýmyna Adjman ámirliginiń bıznes-delegatsııasynń qatysý máselesin talqyladyq», -dep jazǵan Qaırat Lama Sharıf.