Advokatýra máseleleri boıynsha keıbir zańdarǵa túzetýler engizilmek
ASTANA. Qazannyń 6-sy. QazAqparat - Úkimet «Qazaqstan Respýblıkasynyń keıbir zańnamalyq aktilerine advokatýra máseleleri boıynsha ózgerister men tolyqtyrýlar engizý týraly» zań jobasyn Májiliske usyndy,
dep habarlaıdy QazAqparat.
Zań jobasy Memleket basshysynyń advokatýra salasyndaǵy memlekettik baqylaýdy kúsheıtý qajettiligi týraly tapsyrmasyn jáne Qazaqstan Prezıdentiniń janyndaǵy Quqyqtyq saıasat jónindegi keńestiń 2009 jylǵy qazannyń 29-yndaǵy hattamalyq tapsyrmasyn oryndaý úshin ázirlengen.
Zań jobasynyń maqsaty advokattyq qyzmetpen aınalysýǵa arnalǵan lıtsenzııany alý attestattaý ótkizý kezinde Attestattaý komıssııasy qyzmetiniń aıqyndylyǵy men jarııalylyǵyn qamtamasyz etý, advokattyq qyzmetke úmitkerlerdiń taǵylymdamadan ótýine baılanysty máselelerdi jáne advokattar alqasy qaraıtyn basqa da máselelerdi retteýge, sondaı-aq advokattar usynatyn zań kómeginiń sapasyn baqylaýdy júzege asyrý tetikterin belgileýdi qamtamasyz etý bolyp tabylady.
Qoıylǵan mindetterdi sheshý úshin Qazaqstan Respýblıkasynyń Azamattyq is júrgizý kodeksine, «Advokattyq qyzmet týraly» jáne «Kommertsııalyq emes uıymdar týraly» zańdaryna ózgerister men tolyqtyrýlar engizý kózdelip otyr.
