Advokattyq qyzmetke úmitkerdi attestatsııadan ótkizý qyzmeti jergilikti organdarǵa beriledi

Bul týraly búgin Ádilet mınıstrliginde ótken baspasóz máslıhatynda atalǵan vedomstvonyń resmı ókili Erbolat Erimbet málim etti.

Onyń atap ótýinshe, advokattyq qyzmetpen aınalysý quqyǵyna úmitkerlerdi attestatsııadan ótkizýge 970 adam shaqyrylǵan. Degenmen, olardyń tek 520-sy ǵana kelse, onyń ishinde 249 adam attestatsııadan ótken. «Qalǵandary eki kezeńnen turatyn attestatsııanyń suraqtaryna jaýap bere almaǵandyqtan óte almady», - dedi.

Al attestattsııadan ótken azamattar advokattar alqasynda taǵlymdamadan ótip, qajetti qujattardy tapsyrǵannan keıin tıisti lıtsenzııalaryn alady.

Shaqyrylǵan úmitkerlerdiń tek jartysynyń attestatsııadan ótýge kele almaýy Astana qalasynyń alshaqta ornalasýy sebep bolǵandyǵyn basa aıtqan E.Erimbet: «Qazirgi ýaqytta tıisti Úkimet qaýlysyn ázirlep jatyrmyz. Atalǵan jobada advokattyq qyzmetke úmitkerdi attestatsııadan ótkizý qyzmeti jergilikti organdarǵa, ıaǵnı ádilet departamentterine beriletin bolady», - dedi.

Resmı ókildiń pikirinshe, bul shara qyzmetker qol jetimdilikti jeńildetip, qajettiligi qatty seziletin aýdan, aýyldarda advokat sanynyń artýyna septigin tıgizedi.