Advokattarǵa sotqa «qorǵaý aktisin» engizý quqyǵy berilýi múmkin
«Qylmystyq protsess sheńberinde azamattardyń quqyqtaryn qorǵaýdy arttyrý jáne olardyń qaýipsizdigin qamtamasyz etý úshin qorǵaý aktisin engizý usynylady. Qazirgi tańda sot isin júrgizýge aıyptaýshy tarap tolyq qalyptastyrǵan qylmystyq is kelip túsedi. Bul óz kezeginde sýdıalardyń is boıynsha aıyptaý beıimdiligin qalyptastyrýǵa yqpal etedi.
Sot taraptarǵa óz múddelerin qorǵaý úshin teń múmkindikter men is júrgizý belsendiligin qamtamasyz etýi kerek ekenin eskersek, qorǵaýshy tarapqa aıyptaý aktisine qarama-qarsy bolatyn qujatty – qorǵaý aktisin sotqa engizý quqyǵyn berý usynylady.
Osylaısha, qorǵaý aktisin jasaý, oǵan qorǵaýshy tarap jınaǵan dáleldemelerdi qosý múmkindigi bolady», - dedi ol.
Vıtse-mınıstrdiń paıymynsha, bul, birinshiden, sýdıanyń sottalýshyǵa qatysty birjaqty pikirin qalyptastyrýǵa kedergi jasaıdy.
Ekinshiden, advokattardyń, ásirese memleket taǵaıyndaıtyn advokattardyń is júrgizý qyzmetin óz qorǵaýshylarynyń quqyqtaryn neǵurlym belsendi qorǵaýǵa jáne qorǵaýǵa yntalandyrady.
«Qorǵaý aktisin engizý múmkindigi prokýrordyń jáne advokattyń sot protsesinde tıisti rólderdi atqarý kezindegi qarsylasý múmkindikterin teńestiredi.
Qorǵaý aktisinde qorǵaý jáne aıyptaý taraptarynyń dáleldemelerin, kinásizdik týraly ne kinásizdiktiń az dárejedegi málimdemelerin, aıyptalýshynyń kinásin aqtaıtyn ne jeńildetetin dáleldemeler týraly, dáleldemelerdi jınaý jáne bekitý kezinde tergeýdiń ruqsat etilmegen ádisterin qoldaný týraly taldaý jáne basqa da ótinishter kórsetilýi múmkin.
Qorǵaý aktisi qorǵaý tarapy aıyptaý aktisimen tanysqannan keıin basty sot talqylaýyna deıin sotqa engiziledi.
Bul rette qorǵaý tarapy bas sot talqylaýy barysynda ótinishhattardy málimdeýde, qorǵaý aktisin tolyqtyrýda ne jańasyn jasaýda shektelmeıdi.
Qorǵaý aktisin engizýdiń mindetti sharty aıyptalýshynyń kelisimi bolyp tabylady, ol qorǵaý aktisine qol qoıý arqyly kórsetiledi», - dedi Alma Muqanova.
