Advokattarǵa sot protsesi boıynsha jeke jáne zańdy tulǵalardyń deregin tekseretin qural usynyldy
«E–Zańkómegi» zań kómeginiń biryńǵaı aqparattyq júıesi - bul árbir azamat úıden shyqpaı-aq, múldem tegin bilikti zań kómegin alatyn qural. Advokattar men zań konsýltanttary sot protsesi boıynsha jeke jáne zańdy tulǵalar týraly derekterdi tekserýdiń zamanaýı quraldaryn alady. Budan basqa, júıe dáleldemelerdi jınaý protsesin tezdetýge múmkindik beredi jáne Qazaqstan Respýblıkasynyń Memlekettik jáne memlekettik emes organdarymen ózara is-qımyldy jeńildetedi», delingen habarlamada.
«E-Zań kómegi» biryńǵaı aqparattyq júıesi «Ulttyq aqparattyq tehnologııalar» AQ óz kúshimen «Tsıfrlyq Qazaqstan» memlekettik baǵdarlamasyn júzege asyrý aıasynda Qazaqstan Respýblıkasynyń «Advokattyq qyzmet jáne zań kómegi týraly» zańyn oryndaý maqsatynda ázirlendi» - dep túsindirdi kompanııanyń basqarma tóraǵasy Áset Turysov.
Qazaqstan Konstıtýtsııasy men zańdaryna sáıkes árkimniń azamattyq, ákimshilik jáne qylmystyq is júrgizý barysynda bilikti zań kómegin alýǵa quqyly. Memleket kepildik bergen zań kómegin tegin negizde quqyqtyq aqparattandyrý túrinde alý quqyǵyna barlyq jeke jáne zańdy tulǵalar ıe.