Advokattarǵa qorǵaýyndaǵy azamatty qýdalaýshy organnyń BAQ-taǵy materıalyn teriske shyǵarý quqyǵy berilýi múmkin
ASTANA. QazAqparat – Ádilet mınıstrligi qylmystyq zańnamaǵa ázirlegen túzetýler advokattarǵa qorǵaýyndaǵy tulǵa týraly qýdalaýshy organnyń BAQ-taǵy materıaldaryn teriske shyǵarý quqyǵyn berýi múmkin. Tek ol úshin advokat prokýrordyń kelisimin alý kerek, dep habarlaıdy QazAqparat tilshisi.
Bul týraly Ádilet vıtse-mınıstri Alma Muqanova Májilis depýtattaryna tıisti zań jobasyn tanystyrý barysynda aıtty.
«Advokatqa prokýrordyń kelisimimen BAQ-ta óziniń qorǵaýyndaǵy azamatqa qatysty qylmystyq qýdalaý organdaryn jarııalaýǵa teriske shyǵarýdy jarııalaýǵa múmkindik berý
Іs júzinde qylmystyq qýdalaý organdary kinásizdik prezýmptsııasy qaǵıdattaryn buzatyn BAQ-ta aqparat ornalastyra alatyn jaǵdaılar bar.
Bul qoǵamdyq rezonans týdyrady jáne kúdiktiniń fıgýrasyn «jamandaý» arqyly tergeý barysyna áser etedi.
Advokatqa Qylmystyq-protsessýaldyq kodekstiń 201-babynyń (Sotqa deıingi tergep-tekserý derekterin jarııa etýge jol bermeý) talaptaryn buzbaı teriske shyǵarýdy jaýap retinde jarııalaýǵa usyný sot túpkilikti sheshim qabyldaǵanǵa deıin azamatty qorǵaý múmkindigin kúsheıtedi», - dedi Alma Muqanova.
