Advokattardyń tártiptik komıssııasynda qoǵamdyq uıym ókilderi bolýy tıis - Nyǵmatýlın
ASTANA. QazAqparat - Parlament Májilisiniń tóraǵasy Nurlan Nyǵmatýlın «Advokattyq qyzmet jáne zań kómegi týraly» zań jobasy talqylaý barysynda advokattardyń tártiptik komıssııasyna qatysty máselege aıryqsha nazar aýdardy, dep habarlaıdy QazAqparat.
Májilistiń jalpy otyrysynda qaralǵan zań jobasynda tártiptik komıssııanyń quramyna alty advokat, ýákiletti organnyń úsh ókili jáne otstavkadaǵy sýdıa kiredi delingen.
Alaıda Nurlan Nyǵmatýlın máseleniń ózektiligin aıta kele, advokattyq tártiptik komıssııada mınıstrlik ókilderiniń bolǵany mindetti emes ekenin jetkizdi. Osy oraıda ol sheneýnikterdiń ornynda qoǵamdyq uıym ókilderi qamtylýy kerektiginin qadap aıtty.
Bul turǵyda Májilis tóraǵasy osy máseleni ekinshi oqylymda eskerý qajettigin usyndy.
Aıta keteıik, jalpy otyrysy barysynda Ádilet mınıstri Marat Beketaev Qazaqstanda advokattarmen kórsetiletin kásibı qyzmetterdiń sapasyn tıimdi baqylaý joq ekenin aıqan bolatyn.
«Ár advokattyń qashan jáne ne úshin tártiptik jaýapkershilikke tartylǵany týraly ashyq aqparat joq. Advokattardyń kásibı ádep normalaryn saqtaýyn, tártiptik isterdiń obektıvti jáne jan-jaqty qaralýyn qamtamasyz etý maqsatynda eki deńgeıli tártiptik komıssııany qurý qarastyrylǵan», - dep túsindirdi M. Beketaev.
Talqylaýdan keıin palata depýtattary zań jobasyndaǵy jańashyldyqtarǵa qoldaý bildirip, «Advokattyq qyzmet jáne zań kómegi týraly» zań jobasyn birinshi oqylymda maquldady.
