Advokattardyń quqyq qorǵaý protsesindegi rólin arttyrý kerek – Prezıdent
«Adam quqyqtaryn qorǵaý júıesin nyǵaıtýdy jalǵastyrý qajet. Ómirdiń barlyq salalarynda quqyq ústemdigi qaǵıdatyn saqtaý elimizdiń qarqyndy ilgerileýiniń irgetasy bolýǵa tıis. Árbir azamattyń óz quqyǵan qorǵaýǵa senimdi bolýy, sottardyń ádildigine kúmán keltirmeýi mańyzdy. Munda kásibıligi joǵary jáne aqshaǵa satylmaıtyn sýdıalar korpýsyn qalyptastyrý sheshýshi ról atqarady», - dedi Qasym-Jomart Toqaev VIII saılanǵan QR Parlamentiniń birinshi sessııasynda.
Ekinshi jaǵynan, Prezıdenttiń aıtýynsha, barlyq azamattar sotta óz quqyǵyn qorǵaý úshin sapaly zań qyzmetterine birdeı qol jetkizýi kerek. Osy maqsatta memleket áleýmettik osal toptaǵy zardap shekkenderge zań kómegine kepildik beredi.
«Sondaı-aq, advokattardyń rólin arttyra túsý qajet. Olarǵa sotqa deıingi tergeýdiń basynan bastap qylmystyq istiń materıaldary esh kedergisiz berilýge tıis», - dep atap ótti Memleket basshysy.
