Advokattar jaıly jasyryn tergeý júrgizýge tyıym salatyn normalar Konstıtýtsııaǵa qanshalyqty saı
ASTANA. KAZINFORM — Konstıtýtsııalyq sot advokattarǵa qatysty jasyryn tergeý áreketterin júrgizýge tyıym salatyn normalardyń zańdylyǵyn tekseredi.
Azamat birneshe daýly normatıvtiń qanshalyqty zańdy ekenin tekserýdi ótinip Konstıtýtsııalyq sotqa júgingen.
Atap aıtqanda, Qylmystyq-protsestik kodekstiń 232-babynyń segizinshi bóliginiń jáne Joǵarǵy sottyń 2020 jylǵy 11 jeltoqsandaǵy «Jasyryn tergeý áreketterin sanktsııalaý týraly» normatıvtik qaýlysynyń 7-tarmaǵynyń altynshy abzatsynyń Konstıtýtsııaǵa sáıkestigin tekserý qajet.
Vedomstvo osy ótinishti qabyldap, konstıtýtsııalyq is júrgizetin boldy.
Daýlanyp otyrǵan normalar advokattardyń aýyr nemese asa aýyr qylmys jasaýǵa daıyndalýy nemese jasaǵany jóninde paıymdaýǵa negiz bolatyn jaǵdaılardy qospaǵanda kásibı kómek beretin advokattarǵa qatysty jasyryn tergeý júrgizýge tyıym salýdy belgileıdi.
Konstıtýtsııaǵa sáıkestigin tekserýdiń barysy men qorytyndysy týraly aqparat Konstıtýtsııalyq sottyń resmı saıtynda jáne Telegram-arnasynda jarııalanady.
