Advokattar men zań keńesshileriniń jumysyn retteıtin jol kartasy ázirlenedi
QR Ádilet mınıstri Qanat Mýsınniń tórǵalaǵymen ótip jatqan sharaǵa avdokattar men zańgerler, Májilis depýttary, Іshki ister, Ulttyq ekonomıka, Qarjy mınıstrlikteriniń ókilderi qatysýda.
Qanat Mýsınniń aıtýyna qaraǵanda, advokattardy dóńgelek ústelge jınaý arqyly salada qorqalanǵan másellerdi sheshýdiń joldaryn talqylaý kózdelip otyr.
«Memleket basshysy advokattar men zań keńesshileriniń jumysyna zań kómegin kórsetý máselelerine erekshe kóńil bóledi. Bul jóninde 2020, 2021 jylǵy Joldaýlarynda birneshe ret aıtyp ketken. Qazirgi kezde advokattar men zań keńesshileriniń qyzmeti «Advokattyq qyzmet jáne zań kómegi týraly» Zańmen retteledi. Ol zań 2018 jyly qabyldanǵan bolatyn. Byltyr biz oǵan ózgerister men tolyqtyrýlar engizdik. Biraq 2018 jyldan beri biraz ýaqyt ótti. Qoǵam ózerip, damyp jatyr, Sondyqtan talqylaıtyn biraz másele jınalyp qaldy. Búgin advokattar qaýymymen sol problemalardy sheshýdiń joldaryn talqylap jatyrmyz. Dóńgelek ústelde qoıylǵan suraqtardyń bári qaralady. Biz arnaıy jol kartasyn daınydap jatyrmyz. osy jıynnyń qorytyndysy boıynsha birtalaı másele sheshimin tabady dep oılaımyn», -dedi vedomstvo basshysy.
Dóńgelek ústeldiń alǵashqy bóliginde respýblıkalyq adovakattar alqasynyń atynan birqatar problemalar aıtyldy. Mınıstrdiń sózine qaraǵanda, onyń bári jumys ásitndegi túıtkilder ǵana. Sondyqtan búgingi jıyn qorytyndysy boıynsha túbegeıli zańnamalyq ózgeris bolmaıdy.
«Advokattardyń qyzmetine qatysty túbegeıli ózgerister bolady deýge kelmeıdi. Búgin kóterilip jatqan máseleniń bári jumys sátinde kezdesetin túıtkilder. Birinshi kezekte memleket kepildendirgen zań kómeginiń aqysyna baılanysty másele qo»yldy. Odan keıin advokattar men qylmystyq atqarý júıesi mekemeleriniń arasyndaǵy ózara áreketterge, bıznes protsesterge qatysty problemalar aıtyldy. ıAǵnı, bul jerde túbegeıli ózgeristerdi qajet etetin problemalar kórip turǵan joqpyn. Bárinen buryn ózara áreketti jetildirip, ishki sıpattaǵy jetispeı jatqan jumystardy pysyqtaý qajet. Búgingi jınalǵandaǵy maqsatymyz – bir-birimizdi tyńdap, advokattarǵa kómektesýdiń joldaryn tabý», - dedi Qanat Mýsın.
