Advokatqa kimder tegin júgine alady

ALMATY. QazAqparat - Almatynyń advokattary 2022 jyly 10 myńnan astam azamatqa tegin zań kómegin kórsetti. Bul týraly Óńirlik kommýnıkatsııalar qyzmetiniń brıfıngi barysynda qalalyq ádilet departamentiniń ókilderi aıtty, dep habarlaıdy QazAqparat tilshisi.

Almaty qalasy Ádilet departamentiniń zııatkerlik menshik quqyqtary bóliminiń basshysy Erkebulan Jetpisbaevtyń sózinshe, azamattarǵa quqyqtyq túsindirý jumystary men quqyqtyq kómek pen keńes berý vedomstvonyń mańyzdy baǵyttarynyń biri. Alıment óndirip alý, zeınetaqy men járdemaqylar taǵaıyndaý, aqtaý, bosqyn nemese qandas mártebesin alý máseleleri boıynsha jeke tulǵalardyń, ata-anasynyń qamqorlyǵynsyz qalǵan kámeletke tolmaǵandardyń; mártebesine nemese jaǵdaıyna baılanysty quqyqtary men zańdy múddelerin qamtamasyz etý jáne qorǵaý máseleleri boıynsha seksýaldyq zorlyq-zombylyq, adam saýdasy, terrorızm aktisi qurbandarynyń ne azaptaýlarǵa ushyraǵan qurbandardyń óteýsiz negizde advokat kómegin alýǵa quqyǵy bar.

«Mysaly, jyl basynan advokattar memleket kepildik bergen 10 509 azamatqa 129 913 750 teńge somasynda zań kómegin tegin kórsetti. Quqyq mádenıeti» jáne «Rýhanı jańǵyrý» arnaıy jobalary aıasynda Ádilet departamenti aýdandyq halyqqa qyzmet kórsetý ortalyqtarynda, áleýmettik úılerde, Almaty aýdan ákimdikterimen birlesip 800 myńnan astam azamatty qamtı otyryp, 322 is - shara ótkizdi», - dedi spıker.

Onyń aıtýynsha, is-sharalar aıasynda departament mamandary, advokattar «múlik ıeleriniń birlestigin» tirkeý, atqarýshylyq jazba, murany resimdeý, apostıl qoıý, zııatkerlik menshik obektilerin tirkeý jáne avtorlyq quqyq pen taýar belgisin qorǵaý, shottarǵa tyıym salý jáne atqarýshylyq is júrgizý máseleleri boıynsha keńes beredi. Atalǵan departamentiń baspasóz hatshysy Almas Bekbotaev barlyq sharaǵa zań qoǵamdastyǵynyń (advokattar, notarıýstar, jeke sot oryndaýshylary jáne zań konsýltanttary), jeke sot oryndaýshylarynyń óńirlik palatasynyń, kóshi-qon polıtsııasynyń ókilderi jáne Almaty qalasy máslıhatynyń depýtattary qatysatynyn aıtty.

«Quqyq túsindirý jumystary joǵary oqý oryndary janyndaǵy zań klınıkalarymen birlesip júrgiziledi, stýdentter úshin Qazaqstan Respýblıkasy zańnamasynyń normalaryn túsindirý boıynsha semınarlar ótkiziledi, sondaı-aq stýdentter alǵan bilimderin praktıkada qoldaný úshin «Ádilet keńes beredi» aktsııasy sheńberinde azamattarmen kezdesýge shaqyrylady», - dep atap ótti ol.

Onyń sózinshe, qazirgi ýaqytta, ádilet departamenti kóshi-qon polıtsııasymen jáne zań qoǵamdastyǵymen birlese otyryp Almaty qalasynyń aýdandyq HQKO-da turǵyn úıdi jalǵa berý naryǵyndaǵy alypsatarlyq dúrbeleńge baılanysty quqyqtyq túsindirý jumystaryn júrgizýde.

Foto: kiwilaws.com