Advokat sotta órt týraly isti tyńdaý kezinde ózi órtenip kete jazdady
ASTANA. QazAqparat - Kólik órtegeni úshin aıyptalýshynyń isin tyńdaý kezinde advokattyń qaltasyndaǵy elektrondy temekiniń batareıasy jaryldy.
Oqıǵa 8 naýryzda Maıamı qalasy sottarynyń birinde bolǵan. 28 jastaǵy advokat Stıven Gýterres alqa bıler aldynda endi sóz ala bergende, qaltasynyń qyzyp bara jatqanyn baıqaıdy, artynsha tútindeı bastady.
Gýterres zaldan dárethanaǵa qaraı júgirdi. Qaıtyp kelgen ol elektrondy temekisiniń batareıasy jarylǵanyn aıtty. Zańger oqıǵa kezdeısoq jaǵdaı ekenin habarlady, dep jazady Miami Herald.
Br qyzyǵy, advokat óz kóligin qasaqana órtep jibergeni úshin aıyptalǵan Klodı Charlz degendi qorǵaýy tıis edi. Onyń dálelderiniń biri tehnıkanyń ózdiginen janyp ketýi bolǵan. Nátıjesinde alqabıler Charlzdy aıypty dep tanydy.
