Advokat Perızat Qaırattyń kinásiz ekenin málimdep otyr

ASTANA. KAZINFORM – Qoǵamda rezonans týdyrǵan iske qatysty Perızat Qaırattyń advokaty óz ustanymyn bildirdi. 

Qorǵaýshynyń aıtýynsha, onyń qorǵaýyndaǵy kúdikti taǵylǵan aıyptardy moıyndamady jáne qyzmetin ashyq júrgizgen.

— Jabyq rejımde ótken tergeý áreketiniń egjeı-tegjeıin aıtýǵa quqyǵym joq. Ol (Perızat Qaırat — red.) qyzmetiniń ashyq bolǵanyn, qaıyrymdylyq jobasynyń shynaıy túrde júzege asqanyn dáleldedi. Men ony kinásiz dep esepteımin, óıtkeni tıisti dálelder usynylǵan joq, — dep qysqa qaıyrdy advokat Aslanbek Dáýletııarov BAQ ókilderiniń saýalyna jaýap bere turyp.

Sanaýly mınýttan keıin Perızat Qaırat pen onyń anasyna úkim shyǵady. Eskeretin jaıt, BAQ ókilderiniń sot zalyna kirýge tyıym salyndy, jýrnalıster arnaıy baspasóz ortalyǵynda onlaın tyńdap otyr.

Aıta ketsek, prokýror Perızat Qaıratty 10 jyl, anasyn 8 jyl bas bostandyǵynan aıyrýdy suraǵan edi. 

Eske salaıyq, Perızat Qaırat pen onyń anasy Ǵaını Alashbaevadan jaýap alý jabyq rejımde ótti. 

Atyshýly iske qatysty Úkimet basshysy Oljas Bektenov pikir bildirip, «Perızat Qaırat isi — zańnamalyq ózgerister úshin múmkindik» degen edi. 

Perızat Qaırat pen anasyna taǵylǵan aıyptar týraly siltemege ótip tanysýǵa bolady.