Advokat pen kúdiktiniń áńgimesin jazyp alǵan: Atyraý ızolıatoryndaǵy tekseris ne kórsetti
ATYRAÝ. KAZINFORM – Atyraýdaǵy tergeý ızolıatorynda advokat pen onyń qorǵaýyndaǵy kúdiktiniń kezdesýi aýdıojazba fýnktsııasy bar beınekamera ornatylǵan tergeý áreketterine arnalǵan bólmede ótkizilgen. Bul faktini Atyraý oblysynyń prokýratýrasy tekseris barysynda anyqtaǵan.
Bas prokýratýranyń málimetinshe, 2021 jyldan beri kúdiktilerdiń, aıyptalýshylardyń jəne sottalǵandardyń quqyqtaryn qorǵaý, olarǵa qatysty azaptaýdyń jəne basqa da qatygez, adamgershilikke jatpaıtyn nemese ar-namysty qorlaıtyn is-əreketter men jazalaý túrleriniń aldyn alý maqsatynda jappaı beınebaqylaý júıesi engizildi
Qylmystyq-atqarý kodeksi men advokattyq qyzmet týraly zańnamaǵa sáıkes kúdikti, aıyptalýshy jáne sottalǵan adamnyń advokatpen kezdesýi qupııalylyq qamtamasyz etiletin jaǵdaıda ótkizilýi tıis. Tergeý ızolıatorlarynyń ishki tártip qaǵıdalarynda da kezdesý kezinde mekeme qyzmetkeri qorǵaýshy men onyń qorǵaýyndaǵy adamdy kóre alatyny, biraq olardyń áńgimesin estı almaıtyny belgilengen.
- Іshki ister mınıstriniń 26.07.2017 jylǵy №505 buıryǵymen bekitilgen «Qylmystyq-atqarý júıesi tergeý ızolıatorlarynyń ishki tərtipteme qaǵıdalarynyń» 129-babynda kezdesý tergeý ızolıatorynyń qyzmetkerine kúdiktini, aıyptalýshyny, sottalýshyny jəne qorǵaýshyny kórýge múmkindik beretin, biraq sózderi estilmeıtindeı jaǵdaılarda júrgiziledi dep aıqyndalǵan,-dep málimdedi Bas prokýratýra.
Qylmystyq-atqarý júıesi mekemelerinde advokattarmen kezdesýler kezinde beınebaqylaýǵa ǵana jol beriledi, al aýdıojazba júrgizilmeýi kerek. Alaıda №75 mekemege qatysty tekserý kezinde naqty buzýshylyq anyqtalǵan.
- Tekseris barysynda atalǵan mekemeniń qyzmetkerlerimen osy jyldyń 8 qyrkúıeginde qorǵaýshy A.Jýmabaev pen onyń qorǵaýyndaǵy kúdikti tulǵanyń kezdesýi mekemeniń tergeý áreketterine arnalǵan bólmesinde (aýdıojazba fýnktsııasy bar beınekamera ornatylǵan) ótkizilýine jol berilgendigi anyqtaldy. Osyǵan baılanysty Atyraý oblysynyń prokýratýrasy oblystyq QAJ departamentine qadaǵalaý aktisin engizdi, – dep habarlady Bas prokýratýra.
Bas prokýratýranyń málimetinshe, QAJ mekemelerinde advokattyq qupııanyń saqtalýy júıeli túrde baqylanady. Sońǵy eki jylda advokattyq qupııanyń buzylǵany nemese advokattardyń kezdesýlerine zańsyz baqylaý jasalǵany týraly shaǵymdar Bas prokýratýrada tirkelmegen.
Sonymen qatar prokýratýranyń málimetinshe, buǵan deıin QAJ mekemelerinde advokattardyń kezdesýi kezinde aýdıojazba júrgizý faktileri anyqtalmaǵan.
№75 mekemedegi jaǵdaıdan keıin Bas prokýratýra 24 qyrkúıekte oblys prokýrorlaryna QAJ mekemelerinde ishki tártip qaǵıdalarynyń barlyq talabyn saqtaý jóninde qosymsha tapsyrma bergen.
- Bas prokýratýranyń tapsyrmasy negizinde advokattyq qupııany jəne azamattardyń qorǵaý quqyǵyn qamtamasyz etý maqsatynda barlyq QAJ mekemesinde qosymsha tekserister júrgizildi. Nətıjesi boıynsha zań buzýshylyqtar anyqtalǵan joq,-dep málimdedi quzyrly organ.
Eske salaıyq, advokat Nurlan Jolbolov áleýmettik jelidegi málimdemesinde Atyraýdaǵy №75 mekemede advokattardyń qamaýdaǵy azamattarmen kezdesýi kezinde áńgimelerdiń aýdıoǵa jazylatynyn aıtty. Ol bul máseleni bir mekemeniń aıasynda qaldyrmaı, eldegi qylmystyq-atqarý júıesiniń barlyq mekemesine tekserý júrgizýdi surady.
Іshki ister mınıstrligine qarasty qylmystyq-atqarý júıesi komıteti atalǵan derek boıynsha № 75 mekemesinde qyzmettik tekserý júrgizilip jatqanyn málimdedi. Onyń aıasynda ornatylǵan beınebaqylaý kameralarynyń tehnıkalyq sıpattamalary men erekshelikteri, sondaı-aq ózge de mán-jaı zerdelený ústinde.
