«Adrııa injýi» týrnıri: Qazaqstandyq segiz boksshy qyz fınalǵa shyqty

ASTANA. KAZINFORM - Jastar arasyndaǵy halyqaralyq «Adrııa injýi» týrnıri Chernogorııanyń Býdva qalasynda ótip jatyr.

Jartylaı fınalda elimizdiń atynan toǵyz boksshy synǵa túsken edi. Olardyń arasynan 8-i jarysty jalǵastyrýǵa múmkindik alsa, 1-i qola júldeni qanaǵat tutty.

Qazaqstan boks federatsııasynyń málimetinshe, Rahmına Abdýmejıtova (52 keli) Túrkııa boksshysyn 5:0 esebimen jeńdi. Endi ol fınalda Reseı ókilimen kezdesedi. Al 57 kelide Aqnur Tursynǵalı reseılik qarsylasyn 3:2, Regına Tıbenıava belarýstik boksshyny 4:0 esebimen tize búktirdi. Endi fınalda qos qazaqstandyq kúsh baıqasady.

El quramasynan Alına Qudaıgenova (63 keli) túrik qyzyn 5:0 esebimen jeńip, endi fınalda Reseı boksshysymen jekpe-jekke shyǵady.

Sondaı-aq 66 kelide fınalda taǵy da qazaqstandyq eki boksshy şeberlik baıqasady. Bul salmaqta Aısulý Muhıt reseılik qarsylasyn 3:2, Aqbota Esimbekova ázerbaıjandyq sportshyny 5:0 esebimen qapy qaldyrdy.

Al Marııa Sıdorenko (70 keli) reseılik qarsylasyn merziminen buryn jeńip, endi aqtyq jekpe-jekti túrkııalyq boksshyǵa qarsy ótkizedi.

Taǵy bir sportshymyz Sabına Jaqsylyq (81 kg joǵary) ázerbaıjandyq qarsylasymen jekpe-jekti alǵashqy raýndta aıaqtady. Endi ol fınalda túrkııalyq sportshymen kezdesedi.

El quramasynan Tolǵanaı Qasymhan (60 keli) reseılik qarsylasyna jol berip, týrnırdiń qola júldegeri atandy.

Osyǵan deıin Qazaqstan boks federatsııasynyń vıtse-prezıdenti taǵaıyndalǵanyn jazdyq.